വ്യത്യസ്തവും വിചിത്രവുമായ ഒട്ടനവധി വീഡിയോകളും വാര്ത്തകളുമാണ് ദിവസവും സോഷ്യല് മീഡിയയിലൂടെ ശ്രദ്ധ നേടികൊണ്ടിരിക്കുന്നത്.
ഇപ്പോഴിതാ യുഎസില് നിന്ന് പുറത്തുവരുന്നവാര്ത്തയാണ് ആളുകളില് കൗതുകം സൃഷ്ടിച്ചിരിക്കുന്നത്. സംഭവം എന്താണന്നല്ലേ? യുഎസിലെ സൗത്ത് കരോലിനയില് നിന്നുള്ള 35 വയസ്സുള്ള ക്രിസ്റ്റന് ലാമ്മെര്ട്ടിന് നാല് പെണ്മക്കളാണ് ഉള്ളത്. നാലുപേരും വ്യത്യസ്ത പ്രായക്കാരാണെങ്കിലും നാലു പേരെയും ഒരുമിച്ചു നിര്ത്തുന്ന മറ്റൊരു കൗതുകമുണ്ട്. ഇവര് നാലുപേരും ജന്മദിനം പങ്കിടുന്നത് ഒരേ ദിവസം.
അപൂര്വങ്ങളില് അപൂര്വമായി മാത്രം സംഭവിക്കാവുന്ന ഈ കാര്യത്തെ തങ്ങളുടെ മഹാഭാഗ്യമായാണ് ഈ അമ്മയും മക്കളും കാണുന്നത്. കഴിഞ്ഞ ഓഗസ്റ്റ് 25 -നാണ് ക്രിസ്റ്റന് ലാമ്മെര്ട്ട് നാലാം തവണ അമ്മയായത്. 'വാലന്റീന' എന്ന പേരിട്ട ആ കുഞ്ഞിനെ മുന് വര്ഷങ്ങളില് ഇതേ ദിവസത്തില് ജനിച്ച മൂന്ന് ചേച്ചിമാരാണ് വരവേറ്റത്. ഒന്പതുകാരി സോഫിയ, ആറ് വയസ്സുകാരി ജിയുലിയാന, പിന്നെ മൂന്ന് വയസ്സുകാരി മിയയും. തന്റെ മക്കളുടെ ജനന ദിവസത്തിലെ ഈ ഒരുമയെ ക്രിസ്റ്റന് ഒരു 'എക്സ്ക്ലൂസീവ് യാദൃശ്ചികത' എന്നാണ് വിശേഷിപ്പിച്ചത്
തന്റെ ഏറ്റവും പ്രിയപ്പെട്ട നായയുടെ ജന്മദിനം ഓഗസ്റ്റ് 25-ന് ആയിരുന്നുവെന്ന് ക്രിസ്റ്റിന് പറയുന്നു. 10 വര്ഷങ്ങള്ക്ക് മുമ്പ് ഒരു ഓഗസ്റ്റ് 25 -നാണ് തന്റെ മൂത്ത മകള് സോഫിയ ജനിച്ചതെന്നും അവര് വ്യക്തമാക്കി. വീണ്ടും മൂന്ന് തവണ കൂടി ഓഗസ്റ്റ് 25 തന്റെ ജീവിതത്തിലെ ഏറ്റവും മനോഹരമായ ദിനമായി മാറിയെന്നാണ് ക്രിസ്റ്റിന് സന്തോഷത്തോടെ പങ്കുവയ്ക്കുന്നത്. ഇത്തരത്തില് ഒരു ഭാഗ്യം ഒരുപക്ഷേ ബില്യണില് ഒരാള്ക്ക് മാത്രമായിരിക്കാം ലഭിക്കുകയെന്നും അവര് കൂട്ടിച്ചേര്ത്തു. ഇത്തരത്തില് ഒരു കാര്യം ഒരിക്കലും താനോ ഭര്ത്താവ് ആസൂത്രണം ചെയ്ത് നടപ്പിലാക്കിയതെന്നും യാദൃശ്ചികമായി സംഭവിച്ചതാണെന്നുമാണ് ക്രിസ്റ്റിന് പറയുന്നത്.
