നവീകരിച്ച ആരോഗ്യ സെന്സറുകളും മെച്ചപ്പെട്ട ബാറ്ററി ലൈഫും സഹിതം ഫോര്ത്ത് ജനറേഷന് സ്മാര്ട്ട് വെയറബിള് ആയ ഔറ റിംഗ് 4 (Oura Ring 4) ലോഞ്ച് ചെയ്തു. പുതിയ സ്മാര്ട്ട് വെയറബിള് ഉപയോക്താക്കള്ക്കായി വൈവിധ്യമാര്ന്ന സൈസിലും കളര് ഓപ്ഷനുകളും സഹിതം കൂടുതല് പരിഷ്കൃതമായ ടൈറ്റാനിയം ഡിസൈനും പുതിയ ആരോഗ്യ നിരീക്ഷണ ഫീച്ചറും വാഗ്ദാനം ചെയ്യുന്നു. ഔറ റിംഗ് 4ന്റെ വില USD 349 ആണ്. അതായത് ഏകദേശം 29,300 ഇന്ത്യന് വില വരും. കൂടാതെ 4 മുതല് 15 വരെ ഉള്ള 12 വലുപ്പങ്ങളില് ഔറ റിംഗ് 4 ലഭ്യമാണ്. ആറ് നിറങ്ങളില് നിന്ന് ഈ സ്മാര്ട്ട് റിംഗ് തിരഞ്ഞെടുക്കാം. കറുപ്പ്, ബ്രഷ്ഡ് സില്വര്, ഗോള്ഡ്, റോസ് ഗോള്ഡ്, സില്വര്, സ്റ്റെല്ത്ത്.
യുഎസ്, യുകെ, യൂറോപ്പിന്റെ ചില ഭാഗങ്ങള് എന്നിവയുള്പ്പെടെ തിരഞ്ഞെടുത്ത വിപണികളില് സ്മാര്ട്ട് റിംഗ് നിലവില് പ്രീ-ഓര്ഡറിന് ലഭ്യമാണ്. ഷിപ്പിംഗ് ഒക്ടോബര് 15ന് ആരംഭിക്കും. ഔറ റിംഗ് 4 ഒരു പുതിയ, നോണ്-അലര്ജെനിക് ടൈറ്റാനിയം ബില്ഡ് സ്പോര്ട്സ് ചെയ്യുന്നു. ഇത് ദീര്ഘായുസ്സിനും സുഖമമായ ഉപയോഗത്തിനും വേണ്ടി രൂപകല്പ്പന ചെയ്തിരിക്കുന്നതാണ്. സ്മാര്ട്ട് റിംഗ് 100 മീറ്റര് വരെ ജല പ്രതിരോധ ശേഷിയുള്ളതാണ്. ഇത് നീന്തലിനും വര്ക്കൗട്ടിനും ഉള്പ്പെടെ വിവിധ പ്രവര്ത്തനങ്ങള്ക്ക് അനുയോജ്യമാക്കുന്നു. സ്മാര്ട്ട് റിംഗ് വലുപ്പമനുസരിച്ച് 3.3 ഗ്രാം മുതല് 5.2 ഗ്രാം വരെ ഭാരമുണ്ട്. കൂടാതെ വെറും 7.9 എംഎം വീതിയും 2.8 എംഎം കനവും മാത്രമേ ഉള്ളൂ.
സ്മാര്ട്ട് സെന്സിംഗ് സാങ്കേതികവിദ്യ ഉപയോഗിച്ച് സജ്ജീകരിച്ചിരിക്കുന്ന, ഔറ റിംഗ് 4 മെച്ചപ്പെടുത്തിയ ആരോഗ്യ, ആക്ടിവിറ്റി ട്രാക്കിംഗ് വാഗ്ദാനം ചെയ്യുന്നു. ഉറക്കത്തില് രക്തത്തിലെ ഓക്സിജന്റെ അളവ് അളക്കുന്ന ചുവപ്പ്, ഇന്ഫ്രാറെഡ് LEDകളും ഹൃദയമിടിപ്പും ഹൃദയമിടിപ്പിന്റെ വ്യതിയാനവും തുടര്ച്ചയായി ട്രാക്ക് ചെയ്യുന്ന പച്ച LEDകളും ഇതിന്റെ സവിശേഷതയാണ്. ഒരു ആക്സിലറോമീറ്റര് ദൈനംദിന ചലനം നിരീക്ഷിക്കുന്നു. അതേ സമയം ഒരു ഡിജിറ്റല് സെന്സര് ശരീര താപനിലയിലെ ഏറ്റക്കുറച്ചിലുകള് ട്രാക്ക് ചെയ്യുന്നു, മൊത്തത്തിലുള്ള വെല്നെസ്സ്, സ്ട്രെസ്, റീപ്രൊഡക്ടീവ് ഹെല്ത്ത് എന്നിവയെ കുറിച്ചുള്ള ഉള്ക്കാഴ്ചകള് നല്കുന്നു. ഔറ റിംഗ് 4 അപ്ഡേറ്റ് ചെയ്ത ഔറ ആപ്പുമായി കണക്ട് ചെയ്യാവുന്നതാണ്.
സ്ട്രെസ് മാനേജ്മെന്റ്, ദൈനംദിന പ്രവര്ത്തനങ്ങള്, റീപ്രൊഡക്ടീവ് ഹെല്ത്ത് പോലെ ഉള്ളവായുടെ വിവരങ്ങള് ഔറ ആപ്പില് കാണുവാന് സാധിക്കും. പരീക്ഷണാത്മക സവിശേഷതകള് പരിശോധിക്കാന് ഉപയോക്താക്കളെ പ്രാപ്തരാക്കുന്ന, ഔറ ലാബ്സിനെയും ഇത് പിന്തുണയ്ക്കുന്നു. പ്ലാറ്റ്ഫോമുകളിലുടനീളം തടസ്സമില്ലാത്ത അനുഭവം പ്രദാനം ചെയ്യുന്ന ആപ്പ് ഐഒഎസ്, ആന്ഡ്രോയിഡ് ഉപകരണങ്ങളില് ലഭ്യമാണ്. ബാറ്ററി ലൈഫും ചാര്ജിംഗും നോക്കുമ്പോള് ഒറ്റ ചാര്ജില് 8 ദിവസം വരെ ഈ റിംഗ് നിലനില്ക്കും എന്നതാണ് സ്മാര്ട്ട് വെയറബിളിന്റെ മറ്റൊരു പ്രധാന സവിശേഷത. ബാറ്ററി ലെവല് അനുസരിച്ച് ചാര്ജിംഗ് 20 മുതല് 80 മിനിറ്റ് വരെ ചാര്ജ്ജ് ആകാന് എടുക്കും. കൂടാതെ റിംഗില് സൗകര്യാര്ത്ഥം ഒരു സൈസ് സ്പെസിഫിക് ചാര്ജറും യുഎസ്ബി ടൈപ്പ്-സി കേബിളും നല്കുന്നുണ്ട്. ഉപയോഗ സമയത്ത് കുറഞ്ഞ വൈദ്യുതി ഉപഭോഗം ഉറപ്പാക്കാന് ബ്ലൂടൂത്ത് ലോ എനര്ജി (എല്ഇ) കണക്റ്റിവിറ്റിയും ഇത് പിന്തുണയ്ക്കുന്നു.
