മുണ്ടക്കൈ - ചുരല്മല ഉരുള്പൊട്ടലിന് പിന്നാലെ വവയനാട് തുരങ്ക പാതയുമായി സര്ക്കാര് മുന്നോട്ട്. രണ്ട് പാക്കേജുകളായിയാണ് ടണല് പാതയുടെ പ്രവര്ത്തി ടെന്ഡര് ചെയ്തത്.
പാലവും അപ്രോച്ച് റോഡും ഒന്നാമത്തെ പാക്കേജിലും ടണല്പാത നിര്മ്മാണം രണ്ടാമത്തെ പാക്കേജിലും ആണ് ഉള്പ്പെടുത്തിയിട്ടുള്ളത്. സിപിഐയുടെ എതിര്പ്പ് കൂടി മറികടന്നാണ് സര്ക്കാര് തീരുമാനം.
ഉരുള്പൊട്ടലിന്റെ പശ്ചാത്തലത്തില് വയനാട് തുരങ്കപാതയെപ്പറ്റി മൂന്ന് വട്ടം ചിന്തിക്കണമെന്നും ശാസ്ത്രീയ പഠനം വേണമെന്നുമാണ് സിപിഐ സംസ്ഥാന സെക്രട്ടറി ബിനോയ് വിശ്വത്തിന്റെ നിലപാട്. ഒന്നാം പാക്കേജിന്റെ ഫിനാന്ഷ്യല് ബിഡ് തുറന്നത് ജൂലൈ 8 നാണ്. രണ്ടാം പാക്കേജിന്റെ ഫിനാന്ഷ്യല് ബിഡ് തുറന്നത് മുണ്ടക്കൈ ചൂരല്മല ഉരുള്പൊട്ടലിനു ശേഷം, സെപ്റ്റംബര് മാസം നാലിനാണ്.
