കൊച്ചി: നിയമത്തെയും സിസ്റ്റത്തെയും ഉപയോഗിച്ച് മുന്ഭാര്യ നടന് ബാലയോട് വൈരാഗ്യം തീര്ക്കുകയാണെന്ന് അഭിഭാഷക. സോഷ്യല് മീഡിയയില് പരസ്പരം തേജോവധം ചെയ്തതിന്റെ അടിസ്ഥാനത്തിലുള്ള പരാതിയായിട്ടേ ഇതിനെ കണക്കാക്കേണ്ടതുള്ളെന്നും പരാതി വര്ഷങ്ങള്ക്ക് മുമ്പ് നടന്ന സംഭവങ്ങളിലാണെന്നും പറഞ്ഞു.
ഇപ്പോള് നടന്ന കാര്യങ്ങളല്ല. എട്ട് വര്ഷം മുമ്പെ നടന്ന കാര്യങ്ങളാണ് പരാതിയിലുള്ളത്. ചാനലുകളില് വന്ന വാര്ത്തകളുടെയു സമൂഹ മാധ്യമങ്ങളില് വന്ന പോസ്റ്റുകളുടെയും അടിസ്ഥാനത്തിലാണ് പരാതി. മകള്ക്ക് എന്നെ വേണ്ടെങ്കില് തനിക്കു മകളെയും വേണ്ട. പ്രശ്നത്തിന് പോകില്ല എന്നാണ് അവസാന വീഡിയോയില് ബാല സങ്കപ്പെട്ട് പറഞ്ഞത്. ബാലക്ക് കുഞ്ഞിനോട് നല്ല സ്നേഹമുണ്ട്. അതിന് ശേഷം അദ്ദേഹം യാതൊരു നിയമലംഘനം നടത്തിയിയതായി അറിവില്ല. ബാലയുടെ ആരോഗ്യ നില മോശമാണ്. അടിയന്തര സഹായത്തിന് ആവശ്യപ്പെട്ടിട്ടുണ്ട്.
മുന് ഭാര്യ ഒരു സാധാരണ സ്ത്രീയല്ലെന്നും, അത്യാവശ്യം നിയമകാര്യങ്ങളറിയുന്ന സമൂഹത്തിലിടപ്പെടുന്ന സ്ത്രീയാണെന്നും പറഞ്ഞ ഫാത്തിമ അവര് വൈരാഗ്യം തീര്ക്കുകയാണെന്നും കുറ്റപ്പെടുത്തി. നിയമസഹായം ലഭിക്കാന് മുന് ഭാര്യക്ക് ബുദ്ധിമുട്ടില്ലെന്നും സിസ്റ്റത്തെയും നിയമത്തെയും ദുരുപയോഗം ചെയ്യുകയാണെന്നും അഭിഭാഷക കൂട്ടിച്ചേര്ത്തു. സാധാരണ ഇങ്ങനൊരു പരാതി ലഭിച്ചാല് മാനുഷിക പരിഗണനയനുസരിച്ച് നല്കുന്ന 41 എ നോട്ടീസ് നല്കേണ്ടതുണ്ട്. അത് നല്കിയില്ലെന്നും അഭിഭാഷക പറഞ്ഞു.
നിലവില് ബാലയ്ക്ക് എതിരേ ജാമ്യം ലഭിക്കുന്ന വകുപ്പുകളാണ് ചുമത്തിയതെന്നും ഫാത്തിമ വ്യക്തമാക്കി. ജുവനൈല് നിയമത്തിലെ സെക്ഷന് 75 പ്രകാരമാണ് കേസെടുത്തത്. ജാമ്യം ലഭിക്കുന്ന വകുപ്പാണ്. അറസ്റ്റ് രേഖപ്പെടുത്തുകയാണെങ്കില് മജിസ്ട്രേറ്റിന് മുമ്പില് ഹാജരാക്കും. 41 എ നോട്ടീസ് നല്കി ചോദ്യം ചെയ്യാനുള്ള കാര്യങ്ങഴേയുള്ളു. പൊലീസുമായി സഹകരിക്കുന്നൊരാളാണ് ബാലയെന്നും പറഞ്ഞു.
