സിനിമ, സീരിയൽ പ്രേക്ഷകർക്ക് സുപരിചിതയായ താരമാണ് നടി സാധിക വേണുഗോപാൽ. വർഷങ്ങളായി അഭിനയ രംഗത്ത് തുടരുന്ന താരം ഒരു മികച്ച മോഡല് കൂടിയാണ്. സോഷ്യല് മീഡിയയില് സജീവമായ താരം എല്ലാ വിശേഷങ്ങളും ഫോട്ടോഷൂട്ടുകളും അതിലൂടെ പങ്കിടാറുണ്ട്. പല കാര്യങ്ങളും നിലപാടുകളും അഭിപ്രായങ്ങളും മുഖം നോക്കാതെ തുറന്നു പറയാറുണ്ട് താരം. അഡ്ജസ്റ്റ്മെന്റിന് തയ്യാറാകാത്തതിന്റെ പേരിൽ തനിക്ക് അവസരങ്ങൾ നഷ്ടപ്പെട്ടിട്ടുണ്ടെന്ന് സാധിക നേരത്തെ വെളിപ്പെടുത്തിയിരുന്നു.
ഇപ്പോഴിതാ കരിയറിൽ തനിക്കുണ്ടായ നല്ല അനുഭവങ്ങളെക്കുറിച്ച് സംസാരിക്കുകയാണ് സാധിക. ബ്രാ എന്ന ഷോർട്ട് ഫിലിമിൽ അഭിനയിച്ചതിനെ കുറിച്ചാണ് താരം പറയുന്നത്. വിവാഹം ഉറപ്പിച്ചിരുന്ന സമയത്ത് കിടപ്പറ സീന് ഷൂട്ട് ചെയ്യേണ്ടി വന്ന അനുഭവമാണ് താരം തുറന്നു പറഞ്ഞത്.
ഒരു ഷോര്ട്ട് ഫിലിമിനായി സീന് ഷൂട്ട് ചെയ്തതിനെ കുറിച്ചാണ് സാധിക സംസാരിച്ചത്. തന്നെ കംഫര്ട്ട് ആക്കിയാണ് സംവിധായകന് സീന് ചിത്രീകരിച്ചത് എന്നാണ് സാധിക പറയുന്നത്.
‘‘ഒരു സീന് സിനിമയില് വരുമ്പോള് അത് എത്രത്തോളം യാഥാര്ത്ഥ്യമാക്കാം എന്നാണ് സംവിധായകന് ഉള്പ്പടെയുളളവര് ചിന്തിക്കുന്നത്. അതിനാല് തന്നെ പലയാളുകളും അഭിനേതാക്കളുടെ കംഫര്ട്ട് നോക്കണമെന്നില്ല. ആ ഷോര്ട്ട് ഫിലിമിലെ ചില സീനുകള് അഭിനയിക്കാന് എനിക്ക് ചില പ്രശ്നങ്ങളുണ്ടായിരുന്നു. ബെഡ്റൂം സീക്വന്സായിരുന്നു അത്. പൊതുവേ അത്തരം സീനുകള് ചെയ്യുമ്പോള് എല്ലാവരും കൂടെ ഉണ്ടാകാന് സാധ്യതയുണ്ട്. എത്രത്തോളം ആ സീന് വള്ഗറാക്കാന് ശ്രമിക്കുമെന്നാണ് പലരും ചിന്തിക്കുന്നത്. അതുകൊണ്ട് ഈ സീൻ എങ്ങനെയാണ് എടുക്കാൻ ഉദ്ദേശിക്കുന്നതെന്ന് ഞാൻ ചോദിച്ചു. സംവിധായകന് കൃത്യമായി എനിക്ക് ഷോര്ട്ട്സ് പറഞ്ഞു തന്നു. ഒരു മൂവിയിലെ ഷോട്ടുകൾ എനിക്ക് കാണിച്ച് തന്നു. അവന് വേണ്ടത് കൈയുടെ മൂവ്മെന്റുകളും ഫേഷ്യൽ എക്സ്പ്രഷൻസും പുറത്ത് കൂടെ കൈ പോകുന്നതുമൊക്കെയായ ഷോട്ടുകളാണ് വേണ്ടതെന്ന് പറഞ്ഞു.
ഓഫ് ഷോള്ഡര് സീക്വന്സുകള് എനിക്കത്ര കംഫര്ട്ടായിരുന്നില്ല. കാരണം അന്ന് എന്റെ വിവാഹം ഉറപ്പിച്ച സമയമായിരുന്നു. അപ്പോള് വീട്ടുകാരുടെ ഭാഗത്ത് നിന്നും ചിന്തിക്കണമല്ലോ. ഞാനത് പറഞ്ഞപ്പോള് എന്നെ കംഫര്ട്ട് ആക്കാന് സംവിധായകന് ഒരുപാട് ശ്രമിച്ചു. പരമാവധി ബെഡ് ഷീറ്റ് മുകളിലേക്കിട്ടാണ് സീനെടുത്തത്. കൈ മാത്രമാണ് കാണുന്നത്. ഞങ്ങളുടെ രണ്ടുപേരുടെയും ഇടയില് തലയിണ വച്ചാണത് ഷൂട്ട് ചെയ്തത്. ആ സമയത്ത് മുറിയില് ക്യാമറാമാനും ഞാനും മറ്റൊരു നടനും മേക്കപ്പ് ആര്ടിസ്റ്റും മാത്രമേ ഉണ്ടായിരുന്നുള്ളൂ. സംവിധായകന്റെ ആ സ്വഭാവം എനിക്ക് ഇഷ്ടപ്പെട്ടു. മലയാള സിനിമയിലും താരങ്ങളെ കംഫര്ട്ട് ആക്കിയതിന് ശേഷം അഭിനയിപ്പിക്കുന്ന ഒരുപാട് സംവിധായകന്മാരുണ്ട്...’’ എന്നാണ് ഒരു യൂട്യൂബ് ചാനലിന് നല്കിയ അഭിമുഖത്തില് സാധിക പറഞ്ഞത്.
നിലവില് സീരിയലില് അഭിനയിക്കുകയാണ് സാധിക. സീരിയലില് വേണ്ടത് ഓവര് ആക്ടിങ് ആണെന്നും സാധിക പറയുന്നുണ്ട്. ‘‘സീരിയലില് ഓവര് ആക്ടിങ് ആണ് ആവശ്യം. മേക്കപ്പിന്റെ കാര്യമായാലും അങ്ങനെ തന്നെയാണ്. കാരണം പ്രേക്ഷകരെ പിടിച്ചിരുത്തണം. പക്ഷെ മറ്റുളള അഭിനേതാക്കളുമായി താരതമ്യം ചെയ്യുമ്പോള് ഞാന് അഭിനയത്തില് പിറകോട്ടാണെന്ന് തോന്നിയിട്ടുണ്ട്. സിനിമയില് നിന്നും സീരിയലിലേക്ക് വന്നതുകൊണ്ടാണ് ഈ പ്രശ്നമെന്ന് പലരും പറഞ്ഞിട്ടുണ്ട്...’’ എന്നാണ് സാധിക പറഞ്ഞത്.
