കാസര്ഗോഡ് : നീലേശ്വരം അഴിത്തലയിൽ മത്സ്യബന്ധന ബോട്ട് മറിഞ്ഞുണ്ടായ അപകടത്തിൽ ഒരാള് മരിച്ചു.പരപ്പനങ്ങാടി സ്വദേശി അബൂബക്കര് (58) ആണ് മരിച്ചത്. മുനീര് എന്നയാളെയാണ് കാണാതായത്. ഇയാള്ക്കായി തെരച്ചിൽ തുടരുകയായിരുന്നു. ബോട്ടിലുണ്ടായിരുന്ന മറ്റു 35 പേര് നീന്തി രക്ഷപ്പെട്ടു.
നീന്തി രക്ഷപ്പെട്ടവരെ കോസ്റ്റ്ഗാര്ഡും രക്ഷാപ്രവര്ത്തകരും ചേര്ന്ന് കരയിലെത്തിക്കുകയായിരുന്നു. രക്ഷപ്പെട്ടവരിൽ ഒമ്പതുപേര് ജില്ലാ ആശുപത്രിയിൽ ചികിത്സയിലാണ്.ഏറെ നേരത്തെ ശ്രമത്തിനൊടുവിലാണ് നീന്തികയറിയവരെ രക്ഷപ്പെടുത്തിയത്. ശക്തമായ തിരയിൽപ്പെട്ടാണ് ബോട്ട് മറിഞ്ഞത്. തിരയിൽപ്പെട്ട് മറിഞ്ഞ ബോട്ട് പൂർണമായും കടലിൽ മുങ്ങിപ്പോവുകയായിരുന്നു. കടൽക്ഷോഭം സംബന്ധിച്ച മുന്നറിയിയിപ്പൊന്നും ഉണ്ടായിരുന്നില്ല.
പടന്ന സ്വദേശിയുടെ ഇന്ത്യന് എന്ന ബോട്ടാണ് അപകടത്തില്പ്പെട്ടത്. ആദ്യഘട്ടത്തിൽ കോസ്റ്റ്ഗാര്ഡിനും രക്ഷാപ്രവർത്തകര്ക്കും രൂക്ഷമായ കടലേറ്റം കാരണം ബോട്ടിന് അടുത്തെത്താനാകാത്തതും വെല്ലുവിളിയായിരുന്നു. മലപ്പുറം ചെട്ടിപ്പടി സ്വദേശികളും ഒറീസ, തമിഴ്നാട് സ്വദേശികളുമാണ് ബോട്ടിൽ ഉണ്ടായിരുന്നത്.
