സൗത്ത് ഇന്ത്യന് സിനിമ ഇന്റസ്ട്രിയില് തന്റേതായ ഇടം കണ്ടെത്തിക്കഴിഞ്ഞ നടിയാണ് കാജള് അഗര്വാള്. സഹോദരി നിഷ അഗര്വാളും ചില സിനിമകളില് അഭിനയിച്ചിട്ടുണ്ട്. കസിന്സ്, ഭയ്യ ഭയ്യ പോലുള്ള മലയാള സിനിമകളും ആ ലിസ്റ്റില് പെടുന്നു.
സഹോദരിയോടുള്ള സ്നേഹം പ്രകടിപ്പിച്ച് പല അവസരത്തിലും കാജള് അഗര്വാള് സോഷ്യല് മീഡിയയില് എത്തിയിരുന്നു. എന്റെ ആദ്യത്തെ കുഞ്ഞ് എന്നാണ് നിഷയെ വിശേഷിപ്പിക്കാറുള്ളത്.
സഹോദരിയ്ക്ക് ജന്മദിനാശംകള് അറിയിച്ച് കാജള് അഗര്വാള് പങ്കുവച്ച പോസ്റ്റ് സോഷ്യല് മീഡിയയില് വൈറലാവുകയാണ്. എന്റെ സൂര്യപ്രകാശവും, ആത്മസുഹൃത്തും ആദ്യത്തെ കുഞ്ഞും എല്ലാം നീയാണ്. നിനക്കറിയാം എനിക്ക് നിന്നെ എത്രമാത്രം ഇഷ്ടമാണെന്ന്, പക്ഷേ ഇന്ന് നിന്റെ ബേര്ത്ത് ഡേയാണ്. അതുകൊണ്ട് ഞാന് ഇത് അലറി വിളിച്ച് പറയും എന്നാണ് കാജള് ഇന്സ്റ്റഗ്രാമിലൂടെ പറയുന്നത്.
മേല്ക്കൂരയില് കയറിയിരുന്ന് അലറി വിളിച്ച് പറയാനാണ് കാജള് ആഗ്രഹിച്ചത്, പക്ഷേ ഇന്സ്റ്റഗ്രാമിലേക്കാക്കി എന്ന് മാത്രം. നിന്നെപ്പോലൊരു ആളെ ഇനിയൊരിക്കലും ദൈവം സൃഷ്ടിക്കില്ല, നമ്മുടെ അച്ഛന് എപ്പോഴും നിന്നെ അനുഗ്രഹിക്കട്ടെ, അദ്ദേഹത്തിന്റെ ദിവ്യകാരുണ്യം എപ്പോഴും നിങ്ങളുടെ മുന്നോട്ടുള്ള വഴിയെ പ്രകാശിപ്പിക്കട്ടെ
വ്യക്തിപരമായും തൊഴില്പരമായും നിന്റെ എല്ലാ ബന്ധങ്ങളിലും ലക്ഷ്യങ്ങള് കൈവരിക്കട്ടെ! നിനക്ക് ഏറ്റവും വേഗത്തില് ആത്മീയ പുരോഗതി ഉണ്ടാകട്ടെ! നിന്റെ ഇഷ്ടങ്ങളില് ചിലത് കൊണ്ട് ദിവസം കൂടുതല് ആസ്വദിക്കാന് കഴിയട്ടെ- എന്നൊക്കെയാണ് കാജള് അഗര്വാള് ഇന്സ്റ്റഗ്രാമില് കുറിച്ചത്
അനിയത്തിയ്ക്കൊപ്പമുള്ള ഏതാനും മനോഹരമായ ചിത്രങ്ങളും കാജള് പങ്കുവച്ചിട്ടുണ്ട്. ശരിക്കും നിങ്ങളെ കാണാന് ഇരട്ടകളെ പോലെയുണ്ട് എന്നാണ് പോസ്റ്റിന് താഴെ വരുന്ന കമന്റ്.
