നാളുകള്ക്ക് ശേഷമായി വീണ്ടുമൊരു വ്ളോഗുമായെത്തിയിരിക്കുകയാണ് മൃദുലയും യുവയും. എന്തുകൊണ്ടാണ് വ്ളോഗ ചെയ്യാത്തതെന്നുള്ള ചോദ്യങ്ങള് ഒരുപാട് കേട്ടിരുന്നു. അതേക്കുറിച്ചൊക്കെ ഞാന് പറയാമെന്ന് പറഞ്ഞായിരുന്നു മൃദുല സംസാരിച്ചത്. നവരാത്രി ദിനത്തില് മകളെ എഴുത്തിനിരുത്തിയതിനെക്കുറിച്ചായിരുന്നു പുതിയ വീഡിയോ.
ധ്വനി മോള് അങ്ങനെ ആദ്യാക്ഷരം കുറിച്ചു എന്ന ക്യാപ്ഷനോടെയാണ് വീഡിയോ പങ്കുവെച്ചിട്ടുള്ളത്. മകളുടെ വിശേഷങ്ങളും ചാനലിലൂടെ പങ്കിടാറുണ്ട്. ഇടയ്ക്ക് സ്റ്റാര്ർ മാജിക്കിലേക്ക് ഇവരോടൊപ്പം ധ്വനിയും വന്നിരുന്നു. അച്ഛനെ നോക്ക് എന്ന് പറഞ്ഞപ്പോള് നോ എന്നായിരുന്നു ധ്വനിയുടെ മറുപടി. എവിടെ പോവുന്നു എന്ന് ചോദിച്ചപ്പോള് പഠിക്കാന് പോവുകയാണെന്നായിരുന്നു മറുപടി. കുറേനാള് കഴിഞ്ഞാണ് ഞാന് ഈ വ്ളോഗിലേക്ക് വന്നതെന്നായിരുന്നു യുവ കൃഷ്ണ പറഞ്ഞത്.
യുവയുടെയും മൃദുലയുടെയും കുടുംബാംഗങ്ങളെല്ലാം എഴുത്തിനിരുത്ത് ചടങ്ങില് പങ്കെടുക്കാനെത്തിയിരുന്നു. പത്മനാഭസ്വാമി ക്ഷേത്രത്തിലെ സരസ്വതി മണ്ഡപത്തില് വെച്ചാണ് എഴുത്തിനിരുത്ത്. യാമിയേയും ഇന്ന് എഴുത്തിനിരുത്തുന്നുണ്ട്. അവരൊക്കെ നേരത്തെ അങ്ങോട്ടേക്ക് പോയന്നെും മൃദുല പറഞ്ഞിരുന്നു. സുന്ദരിയായി തന്നെ ധ്വനിയെ ഒരുക്കിയിരുന്നു മൃദുല. മകളോട് സംസാരിച്ചായിരുന്നു യുവയും മൃദുലയും വീഡിയോ എടുത്തത്.
രാവിലെ നേരത്തെ എഴുന്നേറ്റത് ഇഷ്ടമായിട്ടില്ല, അതില് അവള് കുറച്ച് അസ്വസ്ഥയാണെന്നും ഇരുവരും പറഞ്ഞിരുന്നു. ജലദോഷവും കഫക്കെട്ടുമൊക്കെയായിരുന്നു, അതൊക്കെ മാറിയതേയുള്ളൂ. ഇടയ്ക്ക് കുറച്ച് വാശി കാണിച്ചെങ്കിലും ധ്വനി പെട്ടെന്ന് സെറ്റായിരുന്നു. എഴുത്തിനിരുത്താണ് നടക്കാന് പോവുന്നതെന്നും ആ സമയത്ത് കരയാനൊന്നും പാടില്ലെന്നും ഇരുവരും മകളോട് പറയുന്നുണ്ടായിരുന്നു.
വീട്ടിലെത്തിക്കഴിഞ്ഞാല് അച്ഛനൊരു സര്പ്രൈസ് തരുമെന്ന് പറഞ്ഞപ്പോള് ധ്വനി നല്ല ത്രില്ലിലായിരുന്നു. അവള്ക്ക് സര്പ്രൈസൊക്കെ ഇഷ്ടമാണ്. അച്ഛന്റെ മടിയില് ഇരുന്നാണ് ഹരിശ്രീ എഴുതിയതെന്നായിരുന്നു ധ്വനി പറഞ്ഞത്. അച്ഛനേയും അമ്മയേയും കണ്ടാണെന്ന് തോന്നുന്നു, ഇടയ്ക്ക് ധ്വനിയും അഭിനയിച്ചെന്നായിരുന്നു മൃദുല പറഞ്ഞത്.
നല്ല കാഴ്ചകളൊക്കെ മക്കളെ കാണിച്ച് കൊടുക്കുക. അഞ്ച് വയസില് താഴെയുള്ള മക്കളുള്ളവരോട് അതാണ് പറയാനുള്ളത്. നമ്മള് ശ്രദ്ധിക്കാത്ത കാര്യങ്ങള് വരെ ഇവര് പെട്ടെന്ന് ഗ്രാസ്പ് ചെയ്യും. നമ്മള് വഴക്കിടുകയാണെങ്കില് അത് അവര്ക്ക് മനസിലാവും. അച്ഛനും അമ്മയും മാക്സിമം സ്നേഹത്തോടെ മക്കളുടെ മുന്നില് പെരുമാറുക എന്നാണ് പറയാനുള്ളത്. അതായിരിക്കും മക്കളും കാണിക്കുന്നത്. ശരി തെറ്റുകളെല്ലാം അവര് മനസിലാക്കുന്നത് മാതാപിതാക്കളിലൂടെയാണെന്നും യുവ പറഞ്ഞിരുന്നു.
