തൃശൂര്: സംസ്ഥാന ജിഎസ്ടി ഇന്റലിജന്സ് നടത്തിയ സംസ്ഥാനത്തെ ഏറ്റവും വലിയ റെയ്ഡില് ഇതുവരെ പിടികൂടിയത് കണക്കില് പെടാത്ത 120 കിലോ സ്വര്ണ്ണം. തൃശൂരിലെ സ്വര്ണാഭരണ നിര്മ്മാണ കേന്ദ്രങ്ങളിലും കടകളിലുമായിരുന്നു പരിശോധന.
തൃശൂരിലെ 74 കേന്ദ്രങ്ങളിലാണ് ജിഎസ്ടി റെയ്ഡ് നടക്കുന്നത്. 5 കൊല്ലത്ത നികുതി വെട്ടിപ്പ് കണ്ടെത്തിയിരിക്കുന്നതെന്നും റെയ്ഡ് തുടരുമെന്നും സംസ്ഥാന ജിഎസ്ടി ഇന്റലിജന്സ് ഡെപ്യൂട്ടി കമ്മീഷണര് ദിനേശ് കുമാര് അറിയിച്ചു.
സംസ്ഥാനത്തിന്റെ വിവിധ ഭാഗങ്ങളില് നിന്നായി 700 ഉദ്യോഗസ്ഥര് റെയ്ഡില് പങ്കെടുക്കുന്നുണ്ട്. ഇന്നലെ രാവിലെ ആരംഭിച്ച റെയ്ഡില് കണക്കില് പെടാത്ത സ്വര്ണാഭരണങ്ങളും രേഖകളും കണ്ടെടുത്തതായി ജിഎസ്ടി വകുപ്പ് അറിയിച്ചു.
ഓപ്പറേഷന് ടോറേ ഡെല് ഓറോ എന്ന പേരില് സംസ്ഥാന ജിഎസ്ടി ഇന്റലിജന്സ് സ്പെഷ്യല് കമ്മീഷണര് അബ്രഹാമിന്റെ നേതൃത്വത്തിലാണ് റെയ്ഡ് നടക്കുന്നത്. മൊത്ത വ്യാപാര സ്ഥാപനങ്ങള് കേന്ദ്രീകരിച്ചാണ് പരിശോധന നടക്കുന്നത്.
