കൊച്ചി; ആലുവ പുന്നേലിക്കടവില് പെരിയാറില് കൂട്ടുകാരോടൊപ്പം കുളിക്കാനിറങ്ങിയ 18 കാരന് മുങ്ങി മരിച്ചു. ലൈജുവിന്റെ മകന് വൈഷ്ണവാണ് മരിച്ചത്. സംഭവം നടനന്ത് ഇന്ന് രാവിലെ പതിനൊന്ന് മണിയോടെയാണ് സംഭവം. ഫുട്ബോള് കളി കഴിഞ്ഞ് പെരിയാറില് കൂട്ടുകാരോടൊപ്പം കുളിക്കാനിറങ്ങിയ വൈഷ്ണവ് ഒഴുക്കില് പെടുകയായിരുന്നു. കൂട്ടുകാര് രക്ഷിക്കാന് ശ്രമിച്ചെങ്കിലും സാധിച്ചില്ല. പിന്നാലെ സംഭവ സ്ഥലത്തെത്തിയ അഗ്നിരക്ഷാ സേനയും സ്കൂബ ഡൈവേഴ്സും നടത്തിയ തെരച്ചിലിലാണ് വൈഷ്ണവിനെ കണ്ടെത്തിയത്. പ്രാഥമിക ശുശ്രൂഷ ഉള്പ്പെടെ നല്കിയെങ്കിലും ജീവന് രക്ഷിക്കാനായില്ല. തുടര്ന്ന് മൃതദേഹം ആശുപത്രിയിലേക്ക് മാറ്റി.
