ചില സെലിബ്രിറ്റികള് വിവാഹിതരാവുന്നതും, അതുവഴി വേര്പിരയുന്നതും സര്വ്വ സാധാരണമായ കാഴ്ചയാണ്. എന്നാല് വര്ഷം കഴിയുന്തോറും പ്രണയം കൂടുകയാണ് കാജള് അഗര്വാളിനും ഗൗതം കിച്ച്ലുവിനും ഇടയില്. മകന് നില് കൂടെയാവുമ്പോള് സന്തുഷ്ട കുടുംബം.
ഇന്നലെയായിരുന്നു കാജളിന്റെയും ഗൗതമിന്റെയും നാലാം വിവാഹ വാര്ഷികം. ഈ കാലമത്രെയും എനിക്ക് പിന്ബലമായതിന് നന്ദി എന്ന് പറഞ്ഞ് ഒരുമിച്ചുള്ള ചില മനോഹര നിമിഷങ്ങള് കാജള് ഇന്സ്റ്റഗ്രാമില് പങ്കുവച്ചു.
മൂന്ന് വര്ഷത്തെ പ്രണയത്തിന് ശേഷമാണ് ഞങ്ങള് വിവാഹിതരായത് എന്ന് കാജള് പറഞ്ഞിരുന്നു, എന്നാല് അതിനും ഏഴ് വര്ഷം മുന്പേ പരസ്പരം ഞങ്ങള്ക്കറിയാമായിരുന്നു എന്നും കാജള് പറഞ്ഞിരുന്നു.
ഞങ്ങള്ക്കിടയിലെ പ്രണയത്തിന്റെ ആഴം തിരിച്ചറിഞ്ഞത് കൊവിഡ് കാലത്താണ്. പരസ്പരം കാണാതെ ജീവിക്കാന് കഴിയില്ല എന്ന തിരിച്ചറിവ് രണ്ട് പേര്ക്കും വന്നു. പിന്നെ കാത്തു നില്ക്കാനും തയ്യാറല്ലായിരുന്നു. പെട്ടന്ന് കല്യാണം നടത്തി.
2020 കൊവിഡ് കാലത്താണ് കാജള് അഗര്വാളിന്റെയും ബിസിനസ്സുകാരനായ ഗൗതം ക്ച്ച്ലുവിന്റെയും വിവാഹം കഴിഞ്ഞത്. അപ്പോഴും അഡംഭരത്തിനും പ്രൗഢിയ്ക്കും ഒന്നും ഒരു കുറവും ഉണ്ടായിരുന്നില്ല.
ഗൗതം വളരെ റൊമാന്റിക് ആയി പ്രപ്പോസ് ചെയ്യുകയും, റൊമാന്സ് ചെയ്യുകയും ചെയ്യുന്ന ആളല്ല. വളരെ മെച്വേഡ് ആണ്. ദൈവ് സഹായിച്ച് അത്തരം സിനിമാറ്റിക് പ്രണയമൊക്കെ എനിക്ക് സിനിമാഭിനയത്തിലൂടെ കിട്ടി എന്നാണ് തമാശയില് കാജള് പറയുന്നത്.
വിവാഹത്തിന് ശേഷവും കാജള് അഭിനയത്തില് സജീവമാണ്. സകല പിന്തുണയും നല്കി ഗൗതമും കൂടെയുണ്ട്. വിവാഹം കഴിഞ്ഞ, കുഞ്ഞ് പിറന്നപ്പോള് അവസരങ്ങള് കുറഞ്ഞു. പക്ഷേ മറ്റൊന്നിന് വേണ്ടി കുടുംബത്തെ മാറ്റി നിര്ത്താന് കഴിയില്ല എന്ന് കാജള് പറയുന്നു.
