മലയാളികള്ക്ക് ഏറെ പ്രിയങ്കരിയായ നടിയാണ് വീണ നന്ദകുമാര്. കെട്ട്യോളാണെന്റെ മാലാഖ എന്ന ചിത്രത്തിലൂടെയാണ് മലയാളികളുടെ മനസില് വീണ ഇടം നേടിയത്. റിന്സി ആയെത്തി ഇപ്പോള് ബോഗെയ്ന്വില്ലയിലെ മീരയായി വരെ എത്തിനില്ക്കുകന്നതാണ് വീണ നന്ദകുമാറിന്റെ അഭിനയമികവില് വിരിഞ്ഞ കഥാപാത്രങ്ങള്.
മുംബൈയില് നിന്നും വന്ന് മലയാളത്തിലെ മുന്നിര നായികയായി മാറിയിട്ടുണ്ട് ഇന്ന് വീണ. മീര എന്ന കഥാപാത്രത്തെ അവതരിപ്പിക്കാന് വേണ്ടി തന്റെ നീണ്ട മുടുയിഴകള് വെട്ടി ഷോര്ട്ട് ഹെയര് ആക്കിയിരുന്നു വീണ. ഇപ്പോഴിതാ ആ യാത്രയെക്കുറിച്ച് സംസാരിക്കുകയാണ് താരം.
മറ്റൊരാളുടെ രൂപത്തിലേക്ക് മാറുക ആ രൂപത്തിന് ആ കഥാപാത്രത്തിന് അനുയോജ്യമായ രീതിയില് എന്നെ മാറ്റുക എന്നതൊക്കെ ചെയ്യാന് എനിക്ക് ശരിക്കും ഇഷ്ടമാണ്. സിംപിള് ഹെയര് കട്ടും ശരീരഘടനയിലെ മാറ്റവും എങ്ങനെ ഓരോ കഥാപാത്രത്തിലേക്ക് നിങ്ങളെ എത്തിക്കുന്നു എന്നത് ശരിക്കും അത്ഭുതപ്പെടുത്തും. കഥയും കഥാപാത്രങ്ങളും ഈ പറഞ്ഞ കാര്യങ്ങള് കൊണ്ട് ഹൃദയത്തിലേക്ക് എത്തുന്നു എന്നതും തീര്ത്തും അതിശയകരമാണ്.
ബോഗെയ്ന്വില്ലയ്ക്ക് വേണ്ടി ഇത്രയും രൂപമാറ്റം വരുത്തി എന്റെ ഒരു പുതിയ വേര്ഷന് കാണിക്കാന് അല്ലെങ്കില് ആ കഥാപാത്രം എനിക്ക് അനുയോജ്യമാണ് എന്നെക്കൊണ്ട് അതിനു ആകും എന്ന് തോന്നിപ്പിച്ചതിന് എന്നെ വേണ്ടത്ര വിശ്വസിച്ചതിന് അമല് ഏട്ടാ ഒരായിരം നന്ദി ഹൃദയത്തിന്റെ ഭാഷയില്.
നിങ്ങളുടെ സംവിധാനത്തില് ഈ കഥാപാത്രത്തിന് ജീവന് നല്കാന് എനിക്ക് കിട്ടിയ ഈ അവസരത്തിന് ഞാന് അങ്ങേയറ്റം നന്ദി ഉളളവളവണ്. കഥാപാത്രത്തിനെറ രൂപഭംഗി ഇത്രയേറെ ശ്രദ്ധയോടെയും സൂക്ഷമതയോടെയും പെര്ഫെക്റ്റ് ചെയ്തതിന് ഞങ്ങളുടെ മിടുക്കനായ ഹെയര്സ്റ്റൈലിസ്റ്റിനും ഒരു വലിയ നന്ദി. ഒരു സിനിമയ്ക്ക് വേണ്ടിയുളള എന്റെ ആദ്യത്തെ ഹെയര്കട്ട് ഇത്രയും കഴിവുളളവരുടെ കൈകളില് വെച്ചതില് എനിക്ക് സന്തോഷമുണ്ട്. വീണ കുറിച്ചു.
