കപൂർ കുടുംബത്തിൽ നിന്നുള്ള ഏതൊരാളും ബോളിവുഡ് സിനിമാപ്രേക്ഷകർക്ക് പ്രിയ താരങ്ങളാണ്. കപൂർ കുടുംബത്തിലെ ചോക്ലേറ്റ് ഹീറോയായ രൺബീർ കപൂറും ബോളിവുഡിന്റെ പ്രിയ താരം ആലിയ ഭട്ടും പ്രണയവിവാഹത്തിലൂടെ ഒന്നായപ്പോൾ പ്രേക്ഷകർ അതും ആഘോഷിച്ചു.
ഇവരുടെ മകൾ റാഹ കപൂർ ആണ് സോഷ്യൽ മീഡിയയിൽ തിളങ്ങി നിൽക്കുന്ന താരപുത്രി.
ഇപ്പോഴിതാ റാഹയുടെ രണ്ടാം ജന്മദിനത്തിൽ അഭിനേത്രിയും രൺബീറിന്റെ അമ്മയും റാഹയുടെ അമ്മൂമ്മയുമായ നീതു കപൂർ പങ്കിട്ട ആശംസകളും ചിത്രവുമാണ് സോഷ്യൽ മീഡിയയിൽ തരംഗമാകുന്നത്. "ഞങ്ങളുടെ പ്യാരിന്റെ ജന്മദിനം. ദൈവം അനുഗ്രഹിക്കട്ടെ..." എന്നാണ് രൺബീറിനും ആലിയയ്ക്കും നടുക്ക് കുഞ്ഞു റാഹ ഇരിക്കുന്ന മനോഹരമായ ചിത്രത്തിനൊപ്പം നീതു കപൂർ കുറിച്ചത്.
ഈ പോസ്റ്റിനു താഴെ നിരവധി പേർ കുഞ്ഞു റാഹയ്ക്ക് ആശംസകളും പ്രാർത്ഥനകളും കുറിക്കുന്നുണ്ട്.
