ഒരു കാലത്ത് ബിഗ് സ്ക്രീൻ പ്രേക്ഷർക്ക് മുൻപിൽ വിവിധ കഥാപാത്രങ്ങൾ ആയെത്തി വിസ്മയിപ്പിച്ച നടിയാണ് മുക്ത ജോർജ്. വിവാഹത്തോടെ അഭിനയത്തിൽ നിന്നും ഇടവേള എടുത്ത മുക്ത പിന്നീട് മിനി സ്ക്രീനിലൂടെ മടങ്ങിയെത്തി. ജീവിതത്തിലെ ഭാര്യ വേഷവും അമ്മ വേഷവും അതിഗംഭീരമാക്കുകയാണ് ഇപ്പോൾ മുക്ത.
ഗായിക റിമിടോമിയുടെ സഹോദരനെ ആണ് മുക്ത വിവാഹം ചെയ്തത്. ഇപ്പോഴിതാ ഭർത്താവ് റിങ്കുവിന്റെ പിറന്നാൾ ദിനം ഹൃദയ സ്പർശിയായ ഒരു കുറിപ്പ് പങ്കുവച്ചെത്തിയിരിക്കുകയാണ് മുക്ത.
എൻ്റെ ഏറ്റവും മികച്ച നല്ല പാതി. എന്റെ ഭർത്താവിന് ജന്മദിനാശംസകൾ ഞാൻ നിന്നെ എത്രമാത്രം സ്നേഹിക്കുന്നുവെന്ന് എല്ലാവരേക്കാളും നന്നായി നിനക്കറിയാം . ഒന്നിച്ചുള്ള കൂടുതൽ മനോഹരമായ നിമിഷങ്ങൾ ഇതാ എന്ന ക്യാപ്ഷ്യനോടെയാണ് ചിത്രങ്ങൾ കൂടി മുക്ത പങ്കുവച്ചത്.
അച്ഛനുറങ്ങാത്ത വീട് എന്ന ചിത്രത്തിലൂടെ മലയാള സിനിമയിൽ അരങ്ങേറിയ നടി മുക്ത പിന്നീട് തെന്നിന്ത്യൻ സിനിമകളിലെ സ്ഥിരം സാന്നിധ്യമായിരുന്നു. എന്നാൽ വിവാഹശേഷം സിനിമകളിൽ നിന്ന് ചെറിയൊരു ഇടവേള താരം എടുത്തു.
2015ലായിരുന്നു ഇവരുടെ വിവാഹം. സന്തോഷകരമായ ദാമ്പത്യം നയിക്കുന്ന ഇവർക്ക് കിയാര എന്ന മകളാണ് ഉള്ളത്. ഇപ്പോൾ ടെലിവിഷൻ സീരിയലുകളിൽ സജീവമാണ് മുക്ത.
റിങ്കുവിന്റെ സഹോദരി കൂടിയായ റിമിയുമായി അടുത്തബന്ധമാണ് മുക്തക്ക്. നാത്തൂൻ എന്ന നിലയിൽ അല്ല ഇരുവരും തമ്മിൽ സഹോദരിമാർക്ക് പരസ്പരം ഉണ്ടാകാറുള്ള സ്നേഹവും കരുതലുമാണ് ഉള്ളത്. റിമിയെ കുറിച്ചും മുക്ത വാചാലയാണ്.
റിമി സമ്മാനമായി നൽകിയ ഫ്ലാറ്റിലാണ് മുക്തയും കുടുംബവും താമസിക്കുന്നത്. ചേച്ചിയാണ് കുടുംബത്തിന്റെ നെടും തൂൺ എന്ന് പലപ്പോഴും മുക്ത പറഞ്ഞിട്ടുണ്ട്.
