അവതാരക, അഭിനേത്രി എന്നീ നിലകളില് ഏറെ ശ്രദ്ധിക്കപ്പെട്ടിട്ടുള്ള താരമാണ് പേര്ളി മാണി. ടെലിവിഷനിലും സോഷ്യല് മീഡിയയിലും നിരവധി ആരാധകുള്ള താരമാണ് പേര്ളി മാണി. സോഷ്യല് മീഡിയ ഇന്ഫ്ളുവൻസറും കൂടിയായ താരം തന്റെ സ്വകാര്യ വിശേഷങ്ങളടക്കം എല്ലാം സോഷ്യല് മീഡിയയിലൂടെ പങ്കിടാറുണ്ട്. വര്ഷങ്ങളായി മിനി സ്ക്രീനിലും പിന്നീട് ബിഗ് സ്ക്രീനിലും തിളങ്ങി നില്ക്കുന്ന താരം ഹേറ്റേഴ്സിനെ കൊണ്ട് പോലും കൈയടിപ്പിക്കാറുണ്ട്.
ബിഗ് ബോസ് റിയാലിറ്റി ഷോയില് മത്സരാര്ത്ഥിയായിരുന്ന താരം അവിടെ വച്ചാണ് മിനിസ്ക്രീൻ താരമായ ശ്രീനിഷ് അരവിന്ദുമായി പ്രണയത്തിലായത്. പിന്നാലെ ഇരുവരും വിവാഹിതരുമായി. മൂത്ത മകള് നിളയും ഇളയ മകള് നിതാരയുമൊക്കെയായി നല്ല സന്തോഷത്തിലാണ് പേര്ളിയും ശ്രീനിഷും. നിളയുടെയും നിതാരയുടെയും എല്ലാ വിശേഷങ്ങളും ഫോട്ടോഷൂട്ടുകളും താരം സോഷ്യല് മീഡിയയിലൂടെ പങ്കിടാറുണ്ട്.
ഇപ്പോഴിതാ മക്കള്ക്കൊപ്പമുള്ള ചിത്രങ്ങള് പങ്കുവെക്കുകയാണ് പേര്ളി മാണി. ഇതിലൊരു പ്രത്യേകയുണ്ടെന്നും പേര്ളി മാണി കുറിക്കുന്നു. നിളയുടെ ഒപ്പം പണ്ട് എടുത്ത ചിത്രം നിതാരയ്ക്കൊപ്പം റീക്രിയേറ്റ് ചെയ്യുകയാണ് പേര്ളി. നിളയ്ക്കൊപ്പം 2021 ല് എടുത്ത ചിത്രവും ക്യാപ്ഷനൊപ്പം പേര്ളി അവസാനം ചേര്ത്തിട്ടുണ്ട്.
‘‘ശിശുദിനാശംസകൾ...ഞങ്ങൾ ഇത്തവണ ഒരു ഫോട്ടോഷൂട്ട് പുനഃസൃഷ്ടിക്കാൻ ശ്രമിച്ചു. അവസാന ചിത്രത്തില് 2021 ലെ ഞാനും നിളയും ആണ്. നിതാര ഇപ്പോൾ സംഘത്തിൽ ചേരുന്നു. അതേ ‘പഴയ’ ഫോട്ടോഗ്രാഫറെ ജിക്സണ് ഫോട്ടോഗ്രഫി എന്ന് വിളിക്കുന്നു...3 വർഷത്തിന് ശേഷം ഒരിക്കൽ കൂടി അതേ തലയിണ കവറുകൾ അയച്ചതിന് ഡെക്കര് ഡയറി ബൈ നിമിഷയ്ക്കും നന്ദി...’’ എന്നാണ് ചിത്രങ്ങള്ക്കൊപ്പം പേര്ളി മാണി കുറിച്ചത്. പഴയ അതെ ഫോട്ടോഗ്രാഫർ എന്ന് മെൻഷൻ ചെയ്ത് ജിക്സൻ ഫോട്ടോ ഗ്രാഫിയെയും പോസ്റ്റിനൊപ്പം പേര്ളി ചേര്ത്തിട്ടുണ്ട്.
ചിത്രങ്ങള് സോഷ്യല് മീഡിയയില് ട്രെന്ഡിംഗായിരിക്കുകയാണ്. ‘പേര്ളിക്കും മക്കളും ക്യൂട്ടാണ്, കുടുംബത്തിന് കണ്ണ് തട്ടാതിരിക്കട്ടെ’ എന്നുമാണ് പലരും ചിത്രങ്ങള്ക്ക് താഴെ കുറിക്കുന്നത്.
യൂട്യൂബ് ചാനലിലാണ് പേര്ളിയിപ്പോള് കൂടുതല് തിളങ്ങുന്നത്. അവിടെയാണ് തനിക്ക് തന്നെത്തന്നെ പ്രകടിപ്പിക്കാൻ ഏറ്റവും കൂടുതല് സ്വാതന്ത്ര്യം ലഭിക്കുന്നതെന്ന് തോന്നുന്നു എന്നും വരുമാനം യുട്യൂബില് വളരെ കൃത്യം ആയതാണ് അതിനു പിന്നിലെ കാരണമെന്നും പേര്ളി ഒരിക്കല് പറഞ്ഞിട്ടുണ്ട്.
