വിശാഖപട്ടണം; ആന്ധ്ര പ്രദേശില് നിയമവിദ്യാര്ഥിനിയായ യുവതിയെ കൂട്ടബലാത്സംഗം ചെയ്തെന്ന പരാതിയില് കാമുകനും സുഹൃത്തുക്കളും പിടിയിലായി. സംഭവം നടന്നത് കഴിഞ്ഞ ഓഗസ്റ്റിലാണ്. മനോവിഷമത്തിലായിരുന്ന യുവതി അടുത്തിടെ ആത്മഹത്യക്ക് ശ്രമിച്ചിരുന്നു. വിവരം ഇതോടെയാണ് വീട്ടുകാരറിയുന്നത്. ഇതിനെ തുടര്ന്ന് വിദ്യാര്ഥിനിയുടെ കുടുംബം നല്കിയ പാരിതിയിലാണ് പോലീസ് നടപടി. വിദ്യാര്ഥിനിയുടെ കാമുകനടക്കം മുഴുവന് പ്രതികളെയും അറസ്റ്റ് ചെയതതായി പോലീസ് അറിയിച്ചു.
പെണ്കുട്ടിയുടെ കാമുകനായ വംശിയും മൂന്ന് സുഹൃത്തുക്കളുമാണ് ചൊവ്വാഴ്ച പൊലീസിന്റെ പിടിയിലായത്. കാമുകനുമൊത്തുള്ള സ്വകാര്യ ദൃശ്യങ്ങള് കാണിച്ച് ഭീഷണിപ്പെടുത്തിയാണ് പ്രതികള് യുവതിയെ ബലാത്സംഗം ചെയ്തതെന്നാണ് പൊലീസ് പറയുന്നത്. വംശിയും പെണ്കുട്ടിയും ഒരു വര്ഷത്തിലേറെയായി പ്രണയത്തിലായിരുന്നു. ഓഗസ്റ്റില് വംശി യുവതിയെ വിശാഖപട്ടണത്തെ കൃഷ്ണനഗറിലെ സുഹൃത്തിന്റെ വീട്ടിലെത്തിച്ചു. ഇവിടെവെച്ച് വംശി യുവതിയെ ബലാത്സംഗം ചെയ്യുകയായിരുന്നു.
വംശി കാമുകിയെ പീഡിപ്പിക്കുന്ന ദൃശ്യങ്ങള് ഒരു സുഹൃത്ത് മൊബൈല് ഫോണില് പകര്ത്തി. പിന്നീട് ഈ ദൃശ്യങ്ങള് കാണിച്ച് വംശിയുടെ മൂന്ന് സുഹൃത്തുക്കള് യുവതിയെ ബലാത്സംഗം ചെയ്തു. പുറത്ത് പറഞ്ഞാല് പീഡന വീഡിയോ സമൂഹമാധ്യമങ്ങളില് പ്രചരിപ്പിക്കുമെന്നും പ്രതികള് ഭിഷണിപ്പെടുത്തി. സംഭവത്തെ കുറിച്ച് പുറത്ത് പറയാതിരുന്ന യുവതി, മനോവിഷമത്തില് നവംബര് 18ന് വീടിനുള്ളില് ജീവനൊടുക്കാന് ശ്രമിച്ചിരുന്നു. എന്നാല് യുവതിയുടെ പിതാവ് ഇത് കാണുകയും രക്ഷപ്പെടുത്തുകയും ചെയ്തു. തുടര്ന്നാണ് പെണ്കുട്ടി താന് നേരിട്ട കൊടിയ പീഡനത്തെക്കുറിച്ച് വീട്ടുകാരോട് പറയുന്നത്. വിവരമറിഞ്ഞ കുടുംബം പൊലീസില് പരാതി നല്കി. തുടര്ന്നാണ് പൊലീസ് പ്രതികളെ അറസ്റ്റ് ചെയ്തത്.
