കൊച്ചി: സര്ക്കാരിന്റെ പിന്തുണ കിട്ടുന്നില്ലെന്ന് ആരോപിച്ച് നടന്മാര്ക്കെതിരെ ഉന്നയിച്ച പീഡന പരാതികളില് നിന്ന് പിന്മാറുന്നുവെന്ന് നടി. എംഎല്എ മുകേഷ് അടക്കമുളള നടന്മാര്ക്കെതിരേ ഉന്നയിച്ച ആരോപണത്തിനും പരാതിക്കും ശേഷം ഇതെല്ലാം പിന്വലിക്കുകയാണെന്ന് നടിയുടെ റിപ്പോര്ട്ട് പുറത്തുവിട്ടിരിക്കുന്നത് ഏഷ്യാനെറ്റാണ്. പരാതി പിന്വലിക്കുകയാണെന്ന് നടി പറഞ്ഞതായിട്ടാണ് റിപ്പോര്ട്ട്.
കേസുകള് പിന്വലിക്കണമെന്ന് ആവശ്യപ്പെട്ട് പ്രത്യേക അന്വേഷണ സംഘത്തിന് ഉടന് ഇമെയില് അയക്കുമെന്നും നടി പറഞ്ഞു. തനിക്ക് സര്ക്കാരില് നിന്നോ മാധ്യമങ്ങളില് നിന്നോ പിന്തുണ കിട്ടിയില്ലെന്നും അതുകൊണ്ടാണ് പരാതി പിന്വലിക്കുന്നതെന്നും ഇവര് പറഞ്ഞു. സംസ്ഥാനത്ത് വന് വിവാദമായ സംഭവത്തില് നിന്നുമാണ് നടി ഇപ്പോള് പിന്നോക്കം പോയിരിക്കുന്നത.
നടന്മാരായ എം മുകേഷ് എംഎല്എ, മണിയന്പിള്ള രാജു, ഇടവേള ബാബു, ജയസൂര്യ എന്നിവര്ക്കെതിരെയാണ് നടി ആരോപണവുമായി രംഗത്ത് വന്നത്. ഹേമ കമ്മിറ്റി റിപ്പോര്ട്ട് പുറത്തുവന്നതിന് പിന്നാലെയായിരുന്നു നടിയുടെ വെളിപ്പെടുത്തല്. തനിക്കെതിരെ ചുമത്തിയ പോക്സോ കേസിന്റെ സത്യാവസ്ഥ തെളിയിക്കാന് പോലും സര്ക്കാര് തയാറായില്ലെന്നും ഇവര് ആരോപിക്കുന്നു.
