ബോളിവുഡിൽ വർഷങ്ങളായി തിളങ്ങി നിൽക്കുന്ന താരമാണ് ശില്പ ഷെട്ടി. ഒരു കാലത്ത് ബോളിവുഡ് ഹീറോയിനുകളിൽ മുൻനിരയിലായിരുന്ന താരം വിവാഹത്തോടെ കുടുംബപരമായ തിരക്കുകളിൽ ഒതുങ്ങി. എങ്കിലും റിയാലിറ്റി ഷോ ജഡ്ജായും ഫിറ്റ്നസ് വീഡിയോകൾ പങ്കിട്ട് സോഷ്യൽ മീഡിയകളിലും താരം നിറഞ്ഞു നിൽക്കാറുണ്ട്. വലിയൊരു ഇടവേളയ്ക്ക് ശേഷം അടുത്തിടെ താരം ഒരു സിനിമയിലും അഭിനയിച്ചു.
ഇപ്പോഴിതാ രാജ് കുന്ദ്രയ്ക്കൊപ്പമുള്ള തന്റെ 15-ാം വിവാഹ വാർഷികത്തിന്റെ സന്തോഷം പങ്കിടുകയാണ് താരം. രാജിനൊപ്പമുള്ള ഓട്ടോ റിക്ഷ നൈറ്റ് റൈഡിന്റെ വീഡിയോയാണ് താരം പങ്കിട്ടിരിക്കുന്നത്. വീഡിയോയിൽ രാജ് ശില്പയ്ക്ക് വേണ്ടി പാടുന്നതും കേൾക്കാം. കൂടാതെ ബാക്ക് ഗ്രൗണ്ടിൽ പഴയ ഹിന്ദി ഗാനങ്ങളും വീഡിയോയിൽ കേൾക്കാം.
"15 വർഷവും... ഇനിയും എത്രയെന്നു എണ്ണുന്നില്ല…ഹാപ്പി ആനിവേഴ്സറി കുക്കി...
നിങ്ങൾക്കൊപ്പമുള്ള ഓരോ യാത്രയും വിലമതിക്കുന്നു, ഭയപ്പെടുത്തുന്നവ പോലും...
ഇനിയും നിരവധി സാഹസിക യാത്രകളും റൈഡുകളും വർഷങ്ങളും ഇവിടെയുണ്ട്... " എന്ന ക്യാപ്ഷൻ നൽകിയാണ് ശില്പ വീഡിയോ പങ്കിട്ടിരിക്കുന്നത്.
വിഡിയോയ്ക്ക് താഴെ നിരവധി സഹപ്രവർത്തകരും ആരാധകരും താരദമ്പതിമാർക്ക് ആശംസകൾ കുറിക്കുന്നുണ്ട്.
