നാല് വിദ്യാര്ത്ഥിനികളുടെ മരണത്തിനിടയാക്കിയ കരിമ്പ പനയമ്പാടത്തെ ലോറി അപകടത്തില് കേന്ദ്ര മന്ത്രി നിതിന് ഗഡ്കരിക്ക് കത്ത് നല്കി വി.കെ ശ്രീകണ്ഠന് എംപി. ദേശീയപാതയിലെ സാങ്കേതിക തകരാര് പരിഹരിക്കണമെന്ന് ആവശ്യപ്പെട്ടാണ് കത്ത്. സ്ഥിരമായി അപകടം ഉണ്ടാകുന്ന മേഖലയെന്ന് കത്തില് പറയുന്നു. ഇക്കാര്യം നേരത്തെ തന്നെ ശ്രദ്ധയില്പ്പെടുത്തിയിരുന്നുവെന്ന് കത്തില് പറയുന്നു
അതേസമയം തുടര്ച്ചയായി അപകടങ്ങള് നടക്കുന്ന പനയമ്പാടത്തെ റോഡിന്റെ അപാകത പരിശോധിക്കുമെന്ന് ഗതാഗതമന്ത്രി കെ ബി ഗണേഷ് കുമാര് അറിയിച്ചു. പൊതുമരാമത്ത് വകുപ്പുമായി ചേര്ന്ന് റോഡിന് മാറ്റം വരുത്താനുള്ള നടപടിയെടുക്കും. ബ്ലൈന്ഡ് സ്പോട്ടുകള് കണ്ടെത്തി ലിസ്റ്റ് തയ്യാറാക്കുമെന്നും മന്ത്രി പറഞ്ഞു. ഹൈഡ്രോ പ്ലെയിനിങിന് സാധ്യത കൂടുതലുള്ള സ്ഥലമാണിതെന്നുമാണ് ആര്ടിഒ പറയുന്നത്.
അറസ്റ്റിലായ മഹാരാഷ്ട്ര രജിസ്ട്രേഷന് ലോറിയുടെ ഡ്രൈവര് പ്രജീഷ് ജോണ് പിഴവ് പറ്റിയതായി സമ്മതിച്ചിരുന്നു. ലോറി അമിത വേഗതയില് ഓവര്ടേക്ക് ചെയ്ത് എത്തുകയായിരുന്നു.
