മഞ്ജുവാര്യരും ദിലീപും മലയാള സിനിമയില്‍ തിളങ്ങി നില്‍ക്കുന്ന താരങ്ങളാണ്. കരിയറിന്റെ തിളക്കത്തിലാണ് താരങ്ങള്‍ വിവാഹിതരായത്, എന്നാല്‍ പിന്നീടിവര്‍ വിവാഹബന്ധം വേര്‍പെടുത്തി. ഇവരുടെ മകള്‍ മീനാക്ഷി പ്രേക്ഷകര്‍ക്ക് ഏറെ പ്രിയങ്കരിയായ താരപുത്രിയാണ്. വെള്ളിത്തിരയില്‍ ഇതുവരെ മുഖം കാണിച്ചിട്ടില്ലെങ്കിലും സോഷ്യല്‍ മീഡിയയില്‍ മീനാക്ഷി പങ്കിടുന്ന ചിത്രങ്ങള്‍ വളരെ വേഗത്തില്‍ ട്രെന്‍ഡിംഗായി മാറാറുണ്ട്.
മഞ്ജുവും ദിലീപും വിവാഹമോചിതരായപ്പോള്‍ മീനാക്ഷി ദിലീപിനൊപ്പമാണ് പോയത്. ‘‘അച്ഛനും മകളും മ്മിലുള്ള ബന്ധത്തിന്റെ തീവ്രത അറിയാമെന്നും ആ കരങ്ങളില്‍ അവള്‍ ഹാപ്പി ആകും...’’ എന്ന് പറഞ്ഞാണ് മഞ്ജു മീനാക്ഷിയെ ദിലീപിനൊപ്പം വിട്ടത്. ദിലീപുമായിട്ടുള്ള വിവാഹമോചനത്തിന്റെ കാരണം ഇന്നും മഞ്ജു തുറന്നു പറഞ്ഞിട്ടില്ല. രണ്ടാമതൊരു കൂട്ട് ഇതുവരെ മഞ്ജു ആഗ്രഹിച്ചിട്ടില്ല. എന്നാല്‍ ദിലീപ് കാവ്യമാധവനെ വിവാഹം ചെയ്തു, അതിലൊരു മകളും ജനിച്ചു. ദിലീപിന്റെ വിവാഹത്തിന് മുന്‍പന്തിയില്‍ ഉണ്ടായിരുന്നത് മീനാക്ഷിയായിരുന്നു.
ഇന്നും സിംഗിള്‍ ആയി തുടരുന്ന മഞ്ജുവും മകള്‍ മീനാക്ഷിയും ഒരിക്കല്‍ കൂടിച്ചേരുമെന്ന് ആഗ്രഹിക്കുന്നവരാണ് ആരാധകര്‍. അവരുടെ കൂടിച്ചേരലിനായി കാത്തിരിക്കുകയാണ് സിനിമാപ്രേമികള്‍.
ഇപ്പോഴിതാ അത്തരത്തില്‍ അമ്മയും മകളും ഒരുമിച്ചുള്ള അപൂർവ്വമായ ഒരു വീഡിയോയാണ് സോഷ്യല്‍ മീഡിയയില്‍ വൈറലാകുന്നത്. കുട്ടിയായ മീനാക്ഷിയെ ചേർത്തുപിടിച്ചിരിക്കുന്ന മഞ്ജുവാണ് വീഡിയോയില്‍ ഉള്ളത്.
വീഡിയോയില്‍ ഒരു പൊതുവേദിയില്‍ വച്ച്‌ നടിയും നർത്തകിയുമായ ശോഭനയെ മീറ്റ് ചെയ്യുന്ന നവ്യ നായരും മഞ്ജു വാര്യരെയും കാണാം. മഞ്ജുവിന് ഒപ്പം കുട്ടി മീനാക്ഷിയുമുണ്ട്. തിരക്കിനിടയില്‍ ഓടി പോകാതെ മഞ്ജു മീനാക്ഷിയെ ചേർത്ത് പിടിച്ചിരിയ്ക്കുന്നത് വീഡിയോയിലുണ്ട്.
വീഡിയോ വൈറലായതോടെ അമ്മ മകള്‍ ബന്ധത്തിന്റെ തീവ്രതയാണിതെന്നാണ് പല ആരാധകരും നല്‍കുന്ന കമന്റുകള്‍. ഞങ്ങള്‍ കാണാൻ കാത്തിരിക്കുന്ന നിമിഷം ഇത് തന്നെ ആണ്, എന്നാണ് ഈ സുവർണ്ണ നിമിഷം നമ്മള്‍ക്ക് കാണാൻ കഴിയുക എന്നിങ്ങനെയുള്ള കമന്റുകളും നിറയുന്നുണ്ട്.
Comments