ഒരു കാലത്ത് മലയാള സിനിമയിലെ സൂപ്പര്ഹിറ്റ് സിനിമകളുടെ ഭാഗമാകുകയും തെന്നിന്ത്യന് സിനിമകളില് നായികയായി തിളങ്ങുകയും ചെയ്ത താരമാണ് സരിത. കരിയറില് തിളങ്ങി നിന്ന സമയത്താണ് സരിത നടന് മുകേഷിനെ വിവാഹം ചെയ്ത് വീട്ടമ്മയായി ഒതുങ്ങിക്കൂടിയാണ്. പക്ഷേ പിന്നീട് ഇവര് പിരിഞ്ഞു. ഗര്ഭിണിയായിരുന്നപ്പോള് പോലും നടനില് നിന്നും വലിയ പീഡനങ്ങളാണ് താന് നേരിട്ടതെന്ന് സരിത പിന്നീട് പറഞ്ഞിട്ടുണ്ട്. ഭര്ത്താവിനെ ഉപേക്ഷിച്ച സരിയിപ്പോള് ഗള്ഫില് മക്കള്ക്കൊപ്പമാണ്. രണ്ട് ആണ്മക്കളേയും നല്ല രീതിയില് പഠിപ്പിച്ച സരിതയുടെ ഒരു മകന് ഡോക്ടറും അഭിനേതാവുമൊക്കെയാണ്.
ഇപ്പോഴിതാ സരിതയുടെ ഏറ്റവും പുതിയ ചിത്രമാണ് സോഷ്യല് മീഡിയയിലൂടെ ശ്രദ്ധിക്കപ്പെടുന്നത്. സോഷ്യല് മീഡിയയിലും സജീവമായി തുടങ്ങിയ സരിതയുടെ ശരീരപ്രകൃതിയില് വലിയ വ്യത്യാസമാണ് ഉണ്ടായിട്ടുണ്ടെന്ന് ചിത്രങ്ങളില് നിന്ന് വ്യക്തമാണ്. മകന് ശ്രാവണ് മുകേഷിന്റെ സുമതി വളവ് എന്ന പുതിയ ചിത്രത്തിന്റെ ഷൂട്ടിംഗ് ലൊക്കേഷനില് മകനൊപ്പം എത്തിയ അമ്മയുടെ ചിത്രമാണ് ശ്രദ്ധിക്കപ്പെടുന്നത്. പിങ്ക് - ഗോള്ഡന് സല്വാറില് അതിസുന്ദരിയായിട്ടാണ് സരിത മകനൊപ്പമുള്ള ചിത്രം പങ്കിട്ടിരിക്കുന്നത്. ഈ മാറ്റം ആരാധകരെ അമ്പരപ്പിച്ചിട്ടുണ്ട്.
ഒട്ടുമിക്ക തെന്നിന്ത്യന് ഭാഷകളിലും സൂപ്പര് താരങ്ങള്ക്കൊപ്പം അഭിനയിച്ചിട്ടുള്ള സരിതയ്ക്ക് നല്ല ശരീരഘടനയായിരുന്നു. എന്നാല് പിന്നീട് നന്നായി വണ്ണം വച്ചിരുന്നു. പക്ഷേ ഇപ്പോള് കൃത്യമായ ഡയറ്റ് പ്ലാനിലൂടെ നടിയ്ക്ക് വന്നിരിക്കുന്ന രൂപമാറ്റം ഞെട്ടിക്കുന്നതാണ്. ഏതാനും ആഴ്ചകള്ക്കു മുമ്പ് നടി അനശ്വരാ രാജനൊപ്പം പകര്ത്തിയ ചിത്രത്തിലും ഈ മാറ്റം കാണാന് സാധിച്ചിരുന്നു. അന്നൊരു അവാര്ഡ് നൈറ്റില് പങ്കെടുക്കാനായിരുന്നു സരിത എത്തിയത്. നേരത്തെ സ്ഥിരമായി സാരിയില് പ്രത്യക്ഷപ്പെട്ടിരുന്ന സരിത 64-ാം വയസ്സില് ഇപ്പോള് സല്വാര് ധരിക്കുന്ന തരത്തിലേക്ക് രൂപമാറ്റം വരുത്തി.
ഒരിടവേളക്കുശേഷം സരിത വീണ്ടും അഭിനയത്തിലേക്ക് തിരിച്ചു വന്നിരുന്നു. ശിവകാര്ദികേയന് നായകനായി അഭിനയിച്ച മാവീരന് എന്ന സിനിമയിലെ ശക്തമായ കഥാപാത്രത്തെ അവതരിപ്പിച്ചു കൊണ്ടായിരുന്നു കഴിഞ്ഞ വര്ഷത്തെ സരിതയുടെ തിരിച്ചുവരവ്. കാതോടു കാതോരം, കുട്ടേട്ടന്, സംഘം തുടങ്ങിയ സിനിമകളിലൂടെ മലയാളികളുടെ ഇഷ്ടനായികമാരില് ഒരാളായി മാറിയ താരമാരുന്നു സരിത. ജന്മം കൊണ്ട് ആന്ധ്രാ സ്വദേശിനിയായ താരം, തമിഴ് ഇന്ഡസ്ട്രിയില് വേരുറപ്പിച്ചിരുന്നു. കന്നഡ, മലയാളം, തെലുഗു തുടങ്ങിയ ഭാഷകളിലും താരം തന്റേതായ ഇടം കണ്ടെത്തി.
നാല് ഭാഷകളിലായി അഞ്ഞൂറിലധികം സിനിമകളില് അഭിനയിച്ചിട്ടുള്ള സരിത, അഭിനയത്തിന് പുറമെ പ്രമുഖ ദക്ഷിണേന്ത്യന് നായികമാരുടെ ശബ്ദമായും സിനിമകളില് തിളങ്ങിയിരുന്നു. വിജയശാന്തി, രമ്യ കൃഷ്ണന്, മീന, സുഹാസിനി, നഗ്മ, സൗന്ദര്യ തുടങ്ങിയ പ്രമുഖ നായികമാര്ക്ക് വേണ്ടി, കൂടുതല് സിനിമകളിലും ഡബ്ബ് ചെയ്തു വന്നിരുന്നത് സരിതയാണ്. മികച്ച നടിക്കുള്ള തമിഴ്, തെലുഗു, കന്നഡ ഇന്ഡസ്ട്രികളിലെ അവാര്ഡുകള് നേടിയിട്ടുള്ള സരിത, മികച്ച ഡബ്ബിങ് ആര്ട്ടിസ്റ്റിനുള്ള പുരസ്കാരവും പലതവണ നേടിയിട്ടുണ്ട്. അമ്മക്കിളിക്കൂട് എന്ന സിനിമയിലാണ് മലയാളത്തില് സരിത അവസാനമായി അഭിനയിച്ചത്.
