ബോളിവുഡിന്റെ പ്രിയ താരദമ്പതിമാരാണ് ആലിയ ഭട്ടും രണ്ബീര് കപൂറും. അഞ്ചുവര്ഷത്തോളം നീണ്ട ഡേറ്റിംഗിനൊടുവിലാണ് ഇവര് രണ്ടാളും വിവാഹിതരായത്. വിവാഹത്തിന് തൊട്ടു പിന്നാലെ, താന് ഗര്ഭിണിയാണെന്ന് ആലിയ പ്രഖ്യാപിച്ചത് ആരാധകര്ക്ക് വലിയ സര്പ്രൈസ് ആയിരുന്നു. ഇരുവരുടെയും പ്രണയവും വിവാഹവും മകള് റാഹയുടെ വരവും ആരാധകർ ഏറെ സന്തോഷത്തോടെയാണ് സ്വീകരിച്ചത്. താരദമ്പതിമാറ മകളുടെ വിശേഷങ്ങള് പങ്കിടാറുണ്ടായിരുന്നെങ്കിലും കുഞ്ഞു റാഹയുടെ ചിത്രങ്ങള് പങ്കുവച്ചിരുന്നില്ല. കഴിഞ്ഞ ക്രിസ്മസ് ദിനത്തിലാണ് ആലിയയും രണ്ബിറും ആദ്യമായി മകളെ ലോകത്തിന് പരിചയപ്പെടുത്തിയത്.
പിന്നീടതിനു ശേഷം താരദമ്പതിമാര് എവിടെപ്പോയാലും അവര്ക്കൊപ്പമെത്തുന്ന നീലകണ്ണുള്ള കുഞ്ഞു റാഹയുടെ ചിത്രങ്ങളും വൈറലായി മാറാറുണ്ട്.
ഇപ്പോഴിതാ അത്തരത്തില് ഏറെ ശ്രദ്ധിക്കപ്പെടുകയാണ് കുഞ്ഞു റാഹയുടെ ക്രിസ്മസ് ആശംസകള്. എല്ലാവരെയും കൈകള് വീശി അഭിവാദ്യം ചെയ്യുകയും ഫ്ലൈയിങ് കിസ് നല്കുകയും ചെയ്യുന്ന റാഹയുടെ വീഡിയോ സോഷ്യല് മീഡിയ ഏറ്റെടുക്കുകയാണ്.
റാഹ കാറില് നിന്നും ഇറങ്ങുന്നതിന് മുമ്പേ പുറത്തെത്തിയ ആലിയ പാപ്പാരാസികളോട് സംസാരിക്കുന്നത് വീഡിയോയില് കാണാം. ‘റാഹ പേടിക്കും അധികം ഒച്ച വയ്ക്കല്ലേ’ എന്നാണ് ആലിയ പാപ്പരാസികളോട് പറയുന്നത്. എന്നാല് രണ്ബിറിനൊപ്പം കാറില് നിന്നിറങ്ങിയ റാഹ പാപ്പരാസികളോട് ‘ഹൈ മെറി ക്രിസ്മസ്’ എന്ന് ചിരിയോടെ പറയുന്നത് കാണാം. ഇതോടെ പാപ്പരാസികള് തിരിച്ചും ആശംസകള് അറിയിക്കുന്നുണ്ട്. ഇതെല്ലാം കണ്ട് നിറചിരിയോടെ ആലിയയും രണ്ബീറും ആസ്വദിക്കുന്നതും വീഡിയോയിലുണ്ട്. പാപ്പരാസികള്ക്ക് ഫ്ലൈയിംഗ് കിസ് നല്കുന്ന റാഹയുടെ ചിത്രങ്ങളും വൈറലാണ്. ഇടയ്ക്ക് രണ്ബീർ റാഹയെ താഴെ നിർത്താൻ ശ്രമിച്ചെങ്കിലും കൈയില് നിന്നും താഴെയിറങ്ങാൻ റാഹ തയാറാകാത്തതും രണ്ബീറിന്റെ നെഞ്ചോട് കൂടുതല് ചേർന്നിരിക്കുന്നതും വീഡിയോയില് കാണാം.
ഇറ്റാലിയൻ ബ്രാൻഡായ മൊണാലിസയില് നിന്നുള്ള പുഷ്പ-ആപ്ലിക് ട്യൂലെ വസ്ത്രമായിരുന്നു റാഹ ധരിച്ചിരുന്നത്. ക്രീമും പിങ്ക് നിറത്തിലുള്ള വസ്ത്രത്തില് റാഹ രാജകുമാരിയെ പോലെയായിരുന്നു. ഫാര്ടെക്. കോമില് 29,243 രൂപയാണ് റാഹയുടെ വസ്ത്രത്തിന്റെ വില. വി നെക്ക്ലൈനില് നേർത്ത സ്ട്രാപ്പുകളുള്ള സ്ലിംഫിറ്റായിട്ടുള്ള ചുവന്ന വസ്ത്രമാണ് ആലിയ ധരിച്ചിരുന്നത്. ആലിയയുടെ ചെറി റെഡ് ഡ്രസില് റോസാപ്പൂവ് തൂങ്ങിക്കിടക്കുന്ന പോലെയുള്ള ഡിസൈനാണ് നെക്ക്ലൈനിനുമുണ്ട്. നീലയില് വെള്ള സ്ട്രിപ്പ്ഡ് ഷർട്ടും വെള്ള ടീ ഷർട്ടും വെള്ള പാന്സുമായിരുന്നു രണ്ബീറിന്റെ വേഷം.
