കായികപ്രേമികള്ക്ക് ക്രിക്കറ്റ് എന്നും ഒരു ആവേശമാണ്. സോഷ്യല് മീഡിയ കൂടുതല് തരംഗമായതോടെ ക്രിക്കറ്റ് ഫീല്ഡിലെ ഓരോ നീക്കങ്ങളും സോഷ്യല് മീഡിയയിലൂടെ തരംഗമായി മാറാറുണ്ട്. ഇപ്പോഴിതാ അത്തരത്തില് മെല്ബണില് നടന്ന ബോക്സിംഗ് ഡേ ടെസ്റ്റില് നിര്ഭാഗ്യകരമായി പുറത്തായി ഓസ്ട്രേലിയന് താരം സ്റ്റീവന് സ്മിത്തിന്റെ ഒരു വീഡിയോയാണ് സോഷ്യല് മീഡിയ ഏറ്റെടുക്കുന്നത്. 140 റണ്സ് നേടിയ താരം ആകാശ് ദീപിന്റെ പന്തില് ബൗള്ഡാവുകയായിരുന്നു സ്മിത്ത്.
താരം പുറത്തായത് അല്പം രസകരമായിട്ടായിരുന്നു. ആകാശ് ദീപിനെ ക്രീസ് വിട്ട് ഓഫ് സൈഡിലൂടെ കളിക്കാനായിരുന്നു സ്മിത്തിന്റെ പദ്ധതി. എന്നാല് താരത്തിന് കണക്റ്റ് ചെയ്യാന് സാധിച്ചില്ല. ബാറ്റിനരികില് തട്ടിയ പന്ത് പിന്നീട് താരത്തിന്റെ ദേഹത്ത് കൊണ്ട് സ്റ്റംപിലേക്ക്. സ്റ്റംപിലേക്ക് ഉരുണ്ട പോകുന്ന പന്ത് തട്ടിയകറ്റാവുന്നതിനേക്കാള് ദൂരത്തിലായിരുന്നു സ്മിത്ത്. എല്ലാം നോക്കിക്കൊണ്ട് നിസ്സഹനായി നില്ക്കുന്ന സ്മിത്തിന്റെ വീഡിയോ ഏറ്റെടുക്കുകയാണ് കായികപ്രേമികള്.
Bizarre way to get out
പരമ്പരയിലെ രണ്ടാം സെഞ്ചുറിയാണ് സ്മിത്ത് നേടിയത്. കരിയറിലെ 34-ാമത്തേതും. മൂന്ന് സിക്സും 13 ഫോറും ഉള്പ്പെടുന്നതായിരുന്നു സ്മിത്തിന്റെ ഇന്നിംഗ്സ്. ഓസീസിനെ 450 കടത്തിയ ശേഷമാണ് സ്മിത്ത് പുറത്താവുന്നത്. ക്യാപ്റ്റന് പാറ്റ് കമ്മിന്സുമായി ചേര്ന്നുള്ള 112 റണ്സ് കൂട്ടുകെട്ടാണ് ഓസീസിനെ കൂറ്റന് സ്കോറിലേക്ക് നയിച്ചത്.
