ബിഗ് സ്ക്രീനിലൂടെ വന്ന, മിനി സ്ക്രീനില് സജീവമായ താരമാണ് വരദ. ഇപ്പോള് തന്റെ സംഗിള് ലൈഫ് ആസ്വദിക്കുകയാണ് നടി. സീരിയല് നായികാ വേഷങ്ങളില് നിന്ന് മാറി, സഹതാര വേഷങ്ങളിലേക്ക് എത്തിയപ്പോഴും വരദയുടെ ഹാപ്പിനെസ്സിനും സെല്ഫ് ലവ്വിനും ഒന്നും ഒരു കുറവുമില്ല.
സ്വകാര്യ ജീവിതത്തിലെ കാര്യങ്ങള് തുറന്ന് പറയാന് താത്പര്യമില്ല എങ്കിലും, തന്റെ സന്തോഷങ്ങള് നടി ഇന്സ്റ്റഗ്രാമിലൂടെ പങ്കുവയ്ക്കാറുണ്ട്. പുതിയ പുതിയ ഫോട്ടോകളും, യാത്രകളും, സന്തോഷങ്ങളും എല്ലാം പങ്കുവയ്ക്കുന്ന വരദയുടെ ഏറ്റവും പുതിയ ഇന്സ്റ്റഗ്രാം പോസ്റ്റാണ് ഇപ്പോള് സോഷ്യല് മീഡിയയില് ശ്രദ്ധ നേടുന്നത്.
കുടുംബത്തിലെ ഒരു ഫങ്ഷന് പങ്കെടുത്തിനെ കുറിച്ചാണ് പോസ്റ്റ്. കുറേക്കാലത്തിന് ശേഷം എല്ലാവരെയും കണ്ടതിന്റെയും ഒത്തുകൂടിയതിന്റെയും സന്തോഷം പോസ്റ്റില് കാണാം. 'ഒരുപാട് കാലങ്ങള്ക്ക് ശേഷം ഓര്മകള് ചേര്ത്തുവയ്ക്കുന്നു. ആദ്യത്തെ ചിത്രം ചേട്ടന്മാര്ക്കൊപ്പം, പിന്നെ ഞങ്ങള്ക്ക് കിട്ടിയ ട്രോഫീസും' എന്ന് പറഞ്ഞ് മക്കള്ക്കൊപ്പമുള്ള ചിത്രങ്ങളും വരദ പങ്കുവച്ചിട്ടുണ്ട്. വരദയുടെ കസിന് ബ്രദേഴ്സ് ആണ് ചിത്രത്തില്.
ഫങ്ഷന് ഇടയില് എടുത്ത ചില സിംഗിള് ഫോട്ടോകളും വരദ പങ്കുവച്ചിട്ടുണ്ട്. 'ഈ നിമിഷം സന്തോഷമായിരിക്കുക, ഈ നിമിഷമാണ് നമ്മുടെ ജീവിതം' എന്നാണ് ആ ചിത്രത്തിന് വരദ നല്കിയിരിക്കുന്ന ക്യാപ്ഷന്. സെല്ഫ് ലവ്, സ്പ്രെഡ് ലവ്, സ്മൈല് ഓള്വെയ്സ് എന്നൊക്കെയാണ് പോസ്റ്റിന് നല്കിയിരിക്കുന്ന ഹാഷ് ടാഗുകള്.
നടന് ജിഷിന് മോഹനുമായി വരദയുടെ പ്രണയ വിവാഹമായിരുന്നു. എന്നാല് ആ ബന്ധം വിവാഹ മോചനത്തില് അവസാനിച്ചിട്ട് ഒന്നര വര്ഷത്തോളമായി. വിവാഹ മോചനത്തിന് ശേഷം മകനൊപ്പം തന്റെ സിംഗിള് ലൈഫിലേക്ക് മാറിയിരിക്കുകയാണ് വരദ. യാത്രകളും, സെല്ഫ് ലവ്വും തന്നെയാണ് ഈ വേര്പിരിയലിന്റെ വേദനയില് നിന്ന് പുറത്തു കടക്കാന് വരദയെ സഹായിച്ചത്.
