തെന്നിന്ത്യയുടെ ക്യൂട്ട് പ്രണയ ജോഡികളായ സാമന്തയുടെയും നാഗ്ചൈതന്യയുടെയും വിവാഹ നിശ്ചയം കഴിഞ്ഞു. ഇതിന് മുന്പ് പല തവണ ഇരുവരുടെയും വിവാഹം സംബന്ധിച്ച വാര്ത്തകള് പ്രചരിച്ചിരുന്നെങ്കിലും ഇന്നലെ ഹൈദരാബാദില് നടന്ന പ്രൗഡഗംഭീരമായ ചടങ്ങില് ഇരുവരും വിവാഹ വാഗ്ദാനം നല്കി. കുടുംബാംഗങ്ങള് മാത്രം പങ്കെടുത്ത ലളിതവും മനോഹരവുമായ ചടങ്ങില് നിശ്ചയം ഒതുക്കിയെങ്കിലും വിവാഹം ഏറെ ആര്ഭാടത്തോടെയായിരിക്കും.
നാഗാര്ജ്ജുനയും ഇളയ മകന് അഖില് അക്കിനേനിയുമാണ് ചടങ്ങിന്റെ ചിത്രങ്ങള് പുറത്തു വിട്ടത്. മനം എന്ന ചിത്രത്തില് സാമന്ത നാഗാര്ജ്ജുനയുടെ അമ്മയായി അഭിനയിച്ചതിനെ അനുസ്മരിച്ച് 'എന്റെ അമ്മ ഇപ്പോള് എനിക്ക് മകളായി' എന്ന കുറിപ്പോടെയാണ് നാഗാര്ജ്ജുന ഫോട്ടോകള് ഇട്ടത്. കൂടുതല് ചിത്രങ്ങള് വരാനിരിക്കുന്നതേയുള്ളുവെന്നും കുറിച്ചു. ലോകത്തില് ഏറ്റവും സന്തോഷമുള്ള അനിയനാണ് ഞാന്, എന്റെ പുതിയ സഹോദരി എന്നു പറഞ്ഞാണ് അഖിലിന്റെ ട്വീറ്റ്.
കഴിഞ്ഞ വര്ഷം ഡിസൈനര് ശ്രേയ ഭൂപ്പാലുമായി അഖിലിന്റെ നിശ്ചയം കഴിഞ്ഞിരുന്നു. ഈ വര്ഷം തന്നെ അക്കിനേനി കുടുംബത്തില് രണ്ടു വിവാഹങ്ങളും ഉണ്ടാകും. യെ മായ ചെസവേ, മനം, തുടങ്ങിയ ചിത്രങ്ങളില് സാമന്തയും നാഗും ഒന്നിച്ചിരുന്നു. ഓട്ടോനഗര് സൂര്യ എന്ന ചിത്രത്തിലൂടെയാണ് ഇരുവരും കടുത്ത പ്രണയത്തിലായത്.
