പാട്ടു കേള്ക്കാന് കാട്ടാനക്കൂട്ടം തിയറ്ററിനു സമീപം വന്നു കാത്തുനിന്നെന്നു പറഞ്ഞാല് ആരെങ്കിലും വിശ്വസിക്കുമോ? എന്നാല്, അങ്ങനെയും ഒരു സംഭവത്തിനു സാക്ഷ്യംവഹിച്ചു തമിഴ്നാട്ടില് കമ്പത്തിന് അടുത്തുള്ള ഒരു ഗ്രാമം. ആനക്കൂട്ടം കേള്ക്കാന് വന്നതു ജയചന്ദ്രന്റെ ഹിറ്റ് ഗാനവും.
1984ല് റിലീസ് ചെയ്ത 'വൈദേഹി കാത്തിരുന്താള്' എന്ന തമിഴ് സിനിമയായിരുന്നു ഗ്രാമത്തിലെ തിയറ്ററില് പ്രദര്ശിപ്പിച്ചിരുന്നത്. വിജയകാന്തും രേവതിയും അഭിനയിച്ച ചിത്രത്തില് ജയചന്ദ്രന് പാടിയ 'രാസാത്തി ഉന്ന കാണാത നെഞ്ച്' എന്ന പാട്ട് തിയറ്ററില് മുഴങ്ങുമ്പോള് സമീപത്തെ കാട്ടില്നിന്ന് ഒരു ആനക്കൂട്ടം തിയറ്ററിനടുത്തേക്കു വരുമായിരുന്നു.
ഒന്നും രണ്ടും ദിവസമല്ല, ആ സിനിമ അവിടെ പ്രദര്ശിപ്പിച്ച ദിവസമത്രയും ഇൗ പാട്ടിന്റെ സമയത്ത് ആനക്കൂട്ടം എത്തിയിരുന്നു. പാട്ടു തീരുന്നതു വരെ തുമ്പിക്കൈ പൊക്കിപ്പിടിച്ച് അനങ്ങാതെ ആനക്കൂട്ടം നിന്നിരുന്നുവെന്നാണ് നാട്ടുകാര് ഓര്മിക്കുന്നത്. മനുഷ്യരെ മാത്രമല്ല, കാട്ടുമൃഗങ്ങളെ വരെ ആകര്ഷിക്കാനുള്ള കഴിവ് സംഗീതത്തിനുണ്ട് എന്നതിന്റെ തെളിവാണ് ഇൗ സംഭവമെന്ന് പാട്ട് ചിട്ടപ്പെടുത്തിയ ഇളയരാജ പിന്നീടു പറഞ്ഞിട്ടുണ്ട്.
ഇൗ സിനിമയില് മൂന്നു പാട്ടാണ് ജയചന്ദ്രന് പാടിയത്: രാസാത്തി ഉന്ന, കാത്തിരുന്ത് കാത്തിരുന്ത്, ഇന്ഡ്രയ്ക്ക് ഏന് ഇന്ത ആനന്ദമേ... എന്നിവ. മൂന്നും റെക്കോഡ് ചെയ്തത് ഒറ്റ ദിവസമായിരുന്നു. നാലു പതിറ്റാണ്ടു കഴിഞ്ഞിട്ടും മൂന്നു പാട്ടും ഇന്നും ഹിറ്റ് ആയി നിലനില്ക്കുന്നു.
