ക്യൂബ്സ് എന്റര്ടെയ്ന്മെന്റിന്റെ ബാനറില് ഷെരീഫ് മുഹമ്മദ് നിര്മ്മിച്ച് ഹനീഫ് അദേനി തിരക്കഥയെഴുതി സംവിധാനം ചെയ്ത ഉണ്ണി മുകുന്ദന് ചിത്രം മാര്ക്കോ ബോക്സോഫീസുകള് കീഴടക്കി മുന്നേറുകയാണ്. മലയാളത്തിന് പുറമെ ഹിന്ദിയിലും തെലുങ്കിലും ഉള്പ്പെടെ വലിയ സ്വീകാര്യതയാണ് ചിത്രത്തിന് ലഭിക്കുന്നത്.
ഇപ്പോഴിതാ ഉണ്ണി മുകുന്ദന് പങ്കുവെച്ച ഒരു പോസ്റ്റാണ് സോഷ്യല് മീഡിയയില് ശ്രദ്ധ നേടുന്നത്. നടന് ചിയാന് വിക്രവുമായുളള കൂടിക്കാഴ്ചയുടെ ചിത്രങ്ങളാണ് താരം പങ്കുവെച്ചിരിക്കുന്നത്. വി മോഡ് എന്ന അടിക്കുറിപ്പിനൊപ്പമായിരുന്നു ചിത്രങ്ങള് പങ്കുവെച്ചത്. ഇരുവരെയും ഒന്നിച്ച് കണ്ട സന്തോഷത്തിലാണ് ആരാധകള്.
അതേസമയം മാര്ക്കോ രണ്ടാം ഭാഗത്തില് വിക്രം ഉണ്ടാവുമെന്ന അഭ്യൂഹങ്ങള് നേരത്തെ പുറത്തുവന്നിരുന്നു. മാര്ക്കോയുടെ നിര്മാതാവ് ഷരീഫ് മുഹമ്മദും കഴിഞ്ഞ ദിവസം വിക്രമിനൊപ്പമുളള ചിത്രങ്ങള് പങ്കുവെച്ചിരുന്നു.
ബാഹുബലിക്ക് ശേഷം കൊറിയയില് റിലീസ് ചെയ്യുന്ന ആദ്യ ദക്ഷിണേന്ത്യന് ചിത്രമെന്ന നേട്ടവും മാര്ക്കോ നേടിക്കഴിഞ്ഞു. ഏപ്രിലിലാണ് സിനിമയുടെ കൊറിയന് റിലീസ് . നൂറോളം തിയേറ്ററുകളിലാണ് ചിത്രം കൊറിയയില് എത്തുന്നത്.
