നെയ്യാറ്റിന്കര: മറ്റൊരാളെ വിവാഹം കഴിക്കാനായി കാമുകനെ കഷായത്തില് കളനാശിനി കലര്ത്തിനല്കി കൊലപ്പെടുത്തിയ കേസില് പഠിക്കണമെന്നും ശിക്ഷയില് ഇളവ് നല്കണമെന്നും കോടതിയോട് പ്രതി ഗ്രീഷ്മ. കേസില് ഗ്രീഷ്മ കുറ്റക്കാരിയാണെന്ന് ഇന്നലെ കോടതി കണ്ടെത്തിയതിന് ശേഷം നിന്ന് അന്തിമ വാദത്തിലാണ് പ്രതിഭാഗം വക്കീല് ഗ്രീഷ്മയുടെ ശിക്ഷ ഇളവ് ചെയ്യണമെന്ന് ആവശ്യപ്പെട്ടത്.
തനിക്ക് പഠിക്കണമെന്നും 24 വയസ്സ് പ്രായം മാത്രമേ തനിക്കായിട്ടുള്ളൂ എന്നും ശിക്ഷയില് ഇളവ് നല്കണമെന്നും കാമുകനെ ക ഗ്രീഷ്മ കോടതിയോട് ആവശ്യപ്പെട് കോടതിയോട് ഗ്രീഷ്മ ആവശ്യപ്പെട്ടു. അപൂര്വ്വങ്ങളില് അപൂര്വ്വമായ കേസാണെന്നായിരുന്നു പ്രോസിക്യൂഷന് വാദിച്ചത്. കോടതിയില് തനിക്ക് പറയാനുള്ളത് ഗ്രീഷ്മ എഴുതി നല്കി. ബിരുദ സര്ട്ടിഫിക്കറ്റുകളും ഹാജരാക്കി.
ഷാരോണിന് സാമുഹ്യവിരുദ്ധ പശ്ചാത്തലം ഉഗ്രീഷ്മയുടെ സ്വകാര്യ ചിത്രങ്ങള് ഉപയോഗിച്ച് ബ്ളാക്ക്മെയില് ചെയ്തെന്നും പ്രതിക്ക് ക്രൂര മനോഭാവം ഉണ്ടായിരുന്നെന്നും പ്രതിഭാഗം കോടതിയില് വാദിച്ചു. എന്നാല് ഷാരോണിന്റെ സ്വപ്നങ്ങള് ഗ്രീഷ്മ തകര്ത്തെന്നായിരുന്നു പ്രോസിക്യൂട്ടര് വാദിച്ചത്. ഒരു ചെറുപ്പക്കാരന്റെ സ്നേഹത്തെ ഗ്രീഷ്മ കൊലപ്പെടുത്തിയെന്നും അതുകൊണ്ടു പരമാവധിശിക്ഷ നല്കണമെന്നായിരുന്നു പ്രോസിക്യൂഷന് വാദം.
വിദ്യാസമ്പന്നയായ യുവതി വിദ്യാഭ്യാസം ദുരുപയോഗം ചെയ്യാന് ഉപയോഗിച്ചെന്നും കൃത്യമായ ആസൂത്രണത്തോടെയാണ് ഗ്രീഷ്മ കൊലപാതകം നടത്തിയതെന്നും അവര്ക്ക് ചെകുത്താന്റെ സ്വഭാവമാണെന്നും ദയ അര്ഹിക്കുന്നില്ലെന്നും പ്രോസിക്യൂഷന് പറഞ്ഞു. 11 ദിവസം ഷാരോണ് അനുഭവിച്ച വേദന ഡോക്ടര്മാരുടെ മൊഴികളിലുണ്ടെന്നും പരമാവധിശിക്ഷ നല്കണമെന്നും പറഞ്ഞു.
