പ്രായത്തിന്റെ പേരില് പലരും തന്നെ ഒറ്റപ്പെടുത്തിയിട്ടുണ്ടെന്ന് നടി മനീഷ കൊയ്രാള. ആളുകള് പലപ്പോഴും തനിക്ക് പ്രായമായി എന്ന് പറയാറുണ്ടെന്നും മനീഷ പറഞ്ഞു. സിനിമാ മേഖലയില് ജോലി ചെയ്യുന്ന എല്ലാ നടിമാരും നേരിടുന്ന പ്രധാന പ്രശ്നമാണ് പ്രായത്തിന്റെ പേരിലുളള മാറ്റിനിര്ത്തലെന്നും ഇത് വലിയ നാണക്കേടാണെന്നും താരം പറഞ്ഞു. ഒരു സ്വകാര്യമാധ്യമത്തിന് നല്കിയ അഭിമുഖത്തിലായിരുന്നു മനീഷ ഇക്കാര്യം പറഞ്ഞത്.
സിനിമാ മേഖലയിലായാലും ഏത് മേഖലയിലായാലും ജോലി ചെയ്യുന്ന സ്ത്രീകള് അഭിമുഖീകരിക്കുന്ന പ്രധാന പ്രശ്നമാണ് പ്രായത്തിന്റെ പേരിലുളള മാറ്റിനിര്ത്തലുകള്. പ്രായം കൂടിപ്പോയെന്ന് പറഞ്ഞ് പുരുഷന്മാരെ ആരെങ്കിലും കളിയാക്കുകയോ മാറ്റിനിര്ത്തുകയോ ചെയ്യുന്നത് കണ്ടിട്ടില്ല. ഒരു ദിവസം പ്രായത്തിന്റെ പേരില് ഒരു മീറ്റിങ്ങില് നിന്ന് എന്നെ ഒഴിവാക്കിയിട്ടുണ്ട്.
ഒരു നിശ്ചിത വയസുളള ആളുകള് മാത്രം പങ്കെടുക്കേണ്ട മീറ്റിങ്ങാണിത് എന്നാണ് അവര് എന്നോട് പറഞ്ഞത്. എന്നാല് എന്റെ പ്രായമുളള പുരുഷന്മാര് ആയിരുന്നെങ്കില് അവര് ഇതുപോലെ മാറ്റിനിര്ത്തുമോ?. 50 വയസ് കഴിഞ്ഞാല് എന്താണ് കുഴപ്പം. 50 വയസിന് ശേഷവും സന്തോഷത്തോടെ ഇരിക്കാന് സ്ത്രീകള്ക്ക് സാധിക്കും. നമ്മുടെ ഇഷ്ടത്തിനനുസരിച്ച് ജീവിക്കാനാകും. ജീവിച്ചിരിക്കുന്നിടത്തോളം കാലം സന്തോഷമായിരിക്കണം എന്നാണ് ഞാന് ആഗ്രഹിക്കുന്നത്.
സ്ത്രീകൾക്ക് അമ്മ, ഭാര്യ, സഹോദരി എന്നീ റോളുകൾ മാത്രമേയുള്ളൂ എന്നാണ് എല്ലാവരും ഇപ്പോഴും ചിന്തിക്കുന്നത്. ഏത് വേഷവും ചെയ്യാൻ സ്ത്രീകൾക്ക് കഴിയും. ഒരു ആർട്ടിസ്റ്റ് എന്ന നിലയിൽ കരിയറിൽ കൂടുതൽ വളരാൻ സ്ത്രീകൾക്ക് പ്രായമൊരു പ്രശ്നമല്ല. അതൊരു നമ്പർ മാത്രമാണ്. ആർക്കും അത് തടയാനാകില്ലെന്നും" മനീഷ കൊയ്രാള പറഞ്ഞു.
