നടി പാര്വതി നായര് വിവാഹിതയായി. ഹൈദരാബാദ് സ്വദേശിയായ ബിസിനസുകാരന് ആശ്രിത് ആണ് വരന്. ചെന്നൈയില് വെച്ചായിരുന്നു വിവാഹം. ഈ അടുത്താണ് വിവാഹനിശ്ചയത്തിന്റെ ചിത്രങ്ങള് പങ്കുവെച്ച് തന്റെ പ്രണയത്തെക്കുറിച്ച് പാര്വതി വെളിപ്പെടുത്തിയത്. മോഡലിങ്ങിലൂടെയാണ് പാര്വതി സിനിമയില് എത്തുന്നത്.
ഇപ്പോഴിതാ വിവാഹചിത്രങ്ങള് പങ്കുവെച്ചെത്തിയിരിക്കുയാണ് താരം. അടുത്തസുഹൃത്തുക്കളുടെയും ബന്ധുക്കളുടെയും സാന്നിധ്യത്തിലായിരുന്നു വിവാഹം.വി.കെ പ്രകാശ് സംവിധാനം ചെയ്ത പോപ്പിന്സ് എന്ന ചിത്രത്തിലൂടെയായിരുന്നു അരങ്ങേറ്റം. പിന്നീട് യക്ഷി, ഫെയ്ത്ഫുളളി യുവേഴ്സ്, നീ കൊ ഞാ ചാ, ഡോള്സ് തുടങ്ങിയ മലയാള ചിത്രങ്ങളില് വേഷമിട്ട താരം കന്നഡയിലും തമിഴിലും അഭിനയിച്ചിട്ടുണ്ട്.
അജിത്ത് നായകനായെത്തിയ തമിഴ് ചിത്രം യെന്നൈ അറിന്താലിലെ കഥാപാത്രം ഏറെ ശ്രദ്ധിക്കപ്പെട്ടു. ഉത്തമ വില്ലന്, ജെയിംസ് ആന്ഡ് ആലീസ്, നിമിര്, നീരാളി, സീതാക്കത്തി തുടങ്ങിയവയാണ് മറ്റ് ശ്രദ്ധേയ ചിത്രങ്ങള്. വിജയ് നായകനായെത്തിയ 'ദ ഗോട്ട്' ചിത്രത്തിലാണ് നടി അവസാനം പ്രത്യക്ഷപ്പെട്ടത്.
