ശശി തരൂരിനെ പിന്തുണച്ച് കോണ്ഗ്രസ് പ്രവര്ത്തക സമിതി സ്ഥിരം ക്ഷണിതാവ് കനയ്യ കുമാര്. മോദി ട്രംപ് ഉഭയകക്ഷി ചര്ച്ച നല്ലത്. 140 കോടി ജനങ്ങളുള്ള ഇന്ത്യയില് വ്യാപാര സാധ്യതകള് കൂടുതലാണ്. ഒരു വിദേശ രാജ്യം അവരുടെ ഉത്പന്നങ്ങള് കൊണ്ടുവരാന് ആഗ്രഹിക്കുന്നുണ്ടെങ്കില് നല്ലത്.
രാജ്യത്തെ ജനങ്ങളെ മനുഷ്യത്വരഹിതമായി കൊണ്ട് വരുന്നതിലാണ് ആശങ്ക. അവകാശവാദവും പ്രവര്ത്തിയും രണ്ട്. രാജ്യവും പൗരന്മാരും അപമാനിക്കപ്പെടുമ്പോള് സര്ക്കാര് വ്യക്തമായ നിലപാട് എടുക്കണം. സൗഹൃദമുള്ള രാജ്യം ഇങ്ങനെയാണോ പെരുമാറുക.
ഇന്ത്യക്ക് വിമാനം വിടാമായിരുന്നു എന്നും കനയ്യ കുമാര് വിമര്ശിച്ചു.യുഎസില് നിന്ന് തിരിച്ചയക്കുന്ന കുടിയേറ്റക്കാര്ക്ക് മാനുഷിക പരിഗണന നല്കണം. കുടിയേറ്റക്കാരെ കൈയില് വിലങ്ങണിയിച്ച് അയച്ചതാണ് ട്രംപ് മോദിക്ക് നല്കിയ സമ്മാനമെന്നും കനയ്യ കുമാര് വ്യക്തമാക്കി.
