സിനിമാമേഖലയിലെ കാസ്റ്റിംഗ് കൗച്ചിനെക്കുറിച്ച് പല താരങ്ങളും ഈയടുത്തായി തുറന്നു പറയുന്നുണ്ട്. ഒരുപാട് ശാരീരിക മാനസിക സമ്മര്ദ്ദങ്ങള് നേരിട്ടാണ് പലരും ഇന്ന് കാണുന്ന നിലയിലേക്ക് ഉയര്ന്നതെന്ന് തുറന്നു പറഞ്ഞിട്ടുണ്ട്. അവയില് പലതും വലിയ തോതിലുള്ള ചര്ച്ചകള്ക്കും വിമര്ശനങ്ങള്ക്കും വരെ കാരണമായിട്ടുമുണ്ട്.
ഇപ്പോഴിതാ സിനിമാ ഷൂട്ടിങ് സെറ്റില് വെച്ച് തനിക്കുണ്ടായ സമാനമായ അനുഭവത്തെക്കുറിച്ച് തുറന്നുപറഞ്ഞിരിക്കുകയാണ് നടി ഷീബ ആകാശ്ദീപ്. 1995 ല് പുറത്തിറങ്ങിയ സുരക്ഷ എന്ന ചിത്രത്തിന്റെ സെറ്റില് വെച്ച് നടന് ആദിത്യ പഞ്ചോളി തനിക്കുനേരെ അലറിയെന്നും തുടര്ന്ന് സിനിമ പാതിയില് വെച്ച് ഒഴിവാക്കിയെന്നും താരം പറഞ്ഞു.
‘‘ഞാന് ക്ഷീണിതയായിരുന്നു. രണ്ട് ഷിഫ്റ്റുകള്ക്ക് ശേഷമാണ് ഞാന് സെറ്റില് വരുന്നത്. അതും അര്ധരാത്രിയില്. കാറില് ഉറങ്ങുകയായിരുന്ന ഞാന് ഷോട്ടെടുക്കാനായി പുറത്തിറങ്ങി. സംവിധായകന് ഷോട്ടിനെ കുറിച്ച് പറയാന് തുടങ്ങുകയായിരുന്നു. ആ സമയം തിരിഞ്ഞുനിന്ന് നടന് എന്തൊക്കെയോ പറഞ്ഞു. ഉറക്കത്തിലായിരുന്നുവെന്ന് ഞാന് പറഞ്ഞതോടെ അദ്ദേഹം രോഷാകുലനായി. എന്നെ അധിക്ഷേപിക്കുകയും അര്ധരാത്രി റോഡില് വെച്ച് അലറുകയും ചെയ്തു...
ഞാന് പേടിച്ചുപോയി, കരഞ്ഞുകൊണ്ട് നിര്മാതാവിനെ നോക്കിയ സമയത്ത് അദ്ദേഹം എന്റെ മുഖത്തുപോലും നോക്കാതെ നില്ക്കുകയായിരുന്നു. സെറ്റില് വെച്ച് സിനിമയിലെ നായകനും നായികയും തര്ക്കത്തിലേര്പ്പെടുമ്പോള് എന്താണ് ചെയ്യേണ്ടതെന്ന് പോലും അദ്ദേഹത്തിന് മനസിലാകുന്നില്ല. ഞാന് വാതിലടച്ച് കാറിലിരുന്നു. പിന്നാലെ സെറ്റില് നിന്ന് പോയി. ഒരു സിനിമയുടെ സെറ്റില് നിന്ന് അന്നാദ്യമയാണ് ഞാന് അങ്ങനെ പോകുന്നത്...
അയാള് എന്നെ ആക്ഷേപിച്ചപ്പോള് നിങ്ങള് ഒന്നും ചെയ്തില്ലെന്നും ഇനിമുതല് സെറ്റില് വരുന്നില്ലെന്ന് അറിയിച്ചു. പിന്നീട് സിനിമ പൂര്ത്തിയാക്കാനായി പോയിട്ടില്ല....’’ ഷീബ പറയുന്നു. പിങ്ക് വില്ലയ്ക്ക് നല്കിയ അഭിമുഖത്തിലാണ് താരത്തിന്റെ തുറന്നു പറച്ചില്.
1991-ല് യേ ആഗ് കബ് ബുജേഗി എന്ന ചിത്രത്തിലൂടെയാണ് ഷീബ ബോളിവുഡില് അരങ്ങേറുന്നത്. 1992-ല് സൂര്യവന്ഷിയില് സല്മാന് ഖാനൊപ്പം അഭിനയിച്ചതോടെയാണ് ഷീബ ബോളിവുഡില് പ്രശസ്തയായത്. 1993-ല് ഹം ഹേ കമാല് കെയിലും അഭിനയിച്ചു. പിന്നീടിങ്ങോട്ട് ബോളിവുഡില് മികച്ച കഥാപാത്രങ്ങള് താരത്തിന് കിട്ടിയിരുന്നു.
ബോളിവുഡ് താരം അക്ഷയ്കുമാറുമായി ഡേറ്റിംഗിലായിരുന്നു എന്ന തരത്തിലുള്ള അഭ്യൂഹങ്ങളെക്കുറിച്ചും ഷീബ സംസാരിക്കുന്നുണ്ട്. ‘‘ചെറുപ്പമായിരിക്കുമ്പോഴും അടുത്ത് ജോലി ചെയ്യുമ്പോഴും, നിങ്ങൾ പ്രണയത്തിലാകുന്നു. രണ്ടുപേരും ഫിറ്റ്നസ് ഭ്രാന്തന്മാരാണ്... കുടുംബ സുഹൃത്തുക്കളും. എന്റെ നാനിയും അവന്റെ അമ്മയും ഒരുമിച്ച് ചീട്ടുകളിക്കും. ഞങ്ങള്ക്കിടയില് സംഭവിച്ച തെറ്റ് എന്താണെന്നു വച്ചാല് രണ്ടുപേരും വളരെ ചെറുപ്പമായിരുന്നു. ഞങ്ങൾ രണ്ടുപേരും കുട്ടികളായിരുന്നു. ഞാൻ അതിനെക്കുറിച്ച് സംസാരിക്കുകപോലുമില്ല. എനിക്ക് അത് വളരെ രസകരമാണ്. അതിനെക്കുറിച്ച് സംസാരിക്കാൻ എന്താണ് ഉള്ളത്? ആ സമയത്തെക്കുറിച്ച് എനിക്ക് കൂടുതൽ ഓർമ്മയില്ല. മൂന്ന് പതിറ്റാണ്ടിലേറെയായി....’’ താരം പറയുന്നു.
മുൻ കാമുകിമാരുമായി സൗഹൃദം നിലനിർത്തുന്നതിനെക്കുറിച്ചും താരം പറയുന്നുണ്ട്. ‘‘വളരെ ചെറുപ്പമായിരിക്കുമ്പോഴല്ല, വളരെ വികാരഭരിതനാണ്. നിങ്ങൾ വളരെ വികാരാധീനനാണ്, അതിനുശേഷം നിങ്ങൾക്ക് കൂടുതൽ നേരം സാധാരണ നിലയിലാകാൻ കഴിയില്ല. യുവ പ്രണയം വളരെ വികാരാധീനവും ശക്തവുമാണ്, അത് ഒരു സ്ഫോടനം പോലെയാണ്. അതിനാൽ ആ സ്ഫോടനം സംഭവിക്കുമ്പോൾ, അത് കുറയണം... സൗഹൃദം നിലനിൽക്കില്ല... പ്രണയത്തിനു ശേഷം അവരുമായി പിന്നീട് സുഹൃത്തുക്കളാകാൻ ആ ബന്ധത്തിൽ വളരെയധികം ശ്രമിക്കേണ്ടി വരും. നിങ്ങൾ ശരിക്കും പക്വതയുള്ളവരല്ലെങ്കിൽ അത് സംഭവിക്കില്ല...’’ ഷീബ പറയുന്നു. ജിഗ്ര, റോക്കി ഔർ റാണി കി പ്രേം കഹാനി എന്നീ ചിത്രങ്ങളിലാണ് ഷീബ ആകാശ്ദീപ് അവസാനമായി അഭിനയിച്ചത്.
