ഇക്കഴിഞ്ഞ ഫെബ്രുവരി 10 ന് ആയിരുന്നു പാര്വ്വതി നായരുടെ വിവാഹം. ഹൈദരബാദ് സ്വദേശിയും ചെന്നൈ ബേസ്ഡ് ബിസിനസ്സുകാരനുമായ ആശ്രിത് അശോകുമായുള്ള വിവാഹ വിശേഷങ്ങള് എല്ലാം നേരത്തെ പുറത്തുവന്നിട്ടുള്ളതാണ്.
ചെന്നൈയില് വച്ചായിരുന്നു പാര്വ്വതിയുടെയും ആശ്രിതിന്റെയും വിവാഹം. തെലുങ്ക് - മലയാളം ആചാരപ്രകാരം നടന്ന വിവാഹത്തില് അടുത്ത ബന്ധുക്കളും സിനിമ സുഹൃത്തുക്കളും എല്ലാം പങ്കെടുത്തിരുന്നു.
ഇപ്പോഴിതാ കേരളത്തില് വച്ച് കഴിഞ്ഞ ദിവസം നടന്ന വിവാഹ റിസപ്ഷന്റെ ചിത്രങ്ങള് പങ്കുവച്ച് എത്തിയിരിക്കുകയാണ് പാര്വ്വതി. ഒറ്റ നോട്ടത്തില് ഏതോ പരസ്യ ചിത്രത്തിന്റെ ഫോട്ടോഷൂട്ട് ആണെന്ന് തോന്നാമെങ്കിലും, എല്ലാം റിയല് ആണ്. അത്രയും മനോഹരമാണ് ഓരോ ഫ്രെയിമും.
ടൊവിനോ തോമസ്, പേളി മാണി അടക്കമുള്ളവര് വിവാഹ നിശ്ചയത്തിന് വന്നതായി പാര്വ്വതി പങ്കുവച്ച ഫോട്ടോകളിലൂടെ അറിയാം. മറക്കാന് കഴിയാത്ത ഒരു രാത്രിയായിരുന്നു എന്ന് പറഞ്ഞാണ് ചിത്രങ്ങള് പങ്കുവച്ചിരിയ്ക്കുന്നത്.
കേരളത്തിലെ ഞങ്ങളുടെ സ്വപ്നതുല്യമായ വിവാഹ സല്ക്കാരം തീര്ത്തും മാന്ത്രികമായിരുന്നു. ശാന്തമായ തടാകത്തിന്റെ പശ്ചാത്തലവും സൂര്യാസ്തമയത്തിന്റെ സ്വര്ണ്ണ നിറങ്ങളും ഞങ്ങളെ വല്ലാത്ത മാനസികാവസ്ഥയില് എത്തിച്ചു.
സ്നേഹവും ചിരിയും ജീവിതത്തിലെ ഏറ്റവും സ്പെഷ്യലായ വ്യക്തികളും ഞങ്ങളെ ചുറ്റിപ്പറ്റി ഉണ്ടായിരുന്നു. സ്കൂള് കാലം മുതല് എന്റെ കൂടെയുണ്ടായിരുന്ന ബാല്യകാല സുഹൃത്തുക്കള് മുതല് ഇന്റസ്ട്രിയിലെ എന്റെ ഏറ്റവും അടുത്ത സുഹൃത്തുക്കള് വരെ എല്ലാവരും വന്നു.
എന്റെ കരിയര് ആരംഭിച്ചപ്പോള് കൂടെ നിന്നവരും തിരക്കേറിയ ഷെഡ്യൂളുകള്ക്കിടയിലും ദൂരെ നിന്നുള്ള യാത്രകള്ക്കിടയിലും അത് ഓടിയെത്തിയപ്പോ, ഓരോ നിമിഷവും അവിശ്വസനീയമായി തോന്നി. കുടുംബം, അടുത്ത സുഹൃത്തുക്കള്, അനന്തമായ ഓര്മ്മകളുമൊക്കെയായി ഒരാഘോഷം, വാക്കുകള്ക്കതീതമായി നന്ദി- പാര്വ്വതി പറഞ്ഞു.
