മഹാകുംഭമേളയ്ക്കായി രാജ്യത്തിന്റെ വിവിധഭാഗങ്ങളില് നിന്നും വിദേശത്ത് നിന്നും ആള്ക്കാരുടെ വരവ് അതിശക്തമായ സാഹചര്യത്തില് ദൈനംദിന ജീവിതത്തിന് തടസ്സമാകുന്നെന്ന ആവലാതിയുമായി പ്രയാഗ്രാജ്. ഇവിടേയ്ക്കുള്ള വരവ് നിര്ത്താന് പരസ്യമായി ആവശ്യപ്പെടുകയാണ് പ്രദേശവാസികള്. ശമനമില്ലാത്ത മഹാകുംഭ ജനക്കൂട്ടം പ്രയാഗ്രാജ് നിവാസികളുടെ ദൈനംദിന ജീവിതത്തിന് തടസ്സം സൃഷ്ടിക്കുന്നത് തുടരുന്നതായും അതുകൊണ്ട് നഗരത്തിലേക്ക് വരുന്നത് നിര്ത്താനും ഒരു പ്രദേശവാസി സന്ദര്ശകരോട് പരസ്യമായി ആവശ്യപ്പെട്ടു.
റെഡ്ഡിറ്റിലെ ഒരു പോസ്റ്റില്, പ്രയാഗ്രാജ് ഔദ്യോഗികമായി അതിന്റെ 'ബ്രേക്കിംഗ് പോയിന്റില്' എത്തിയതായി ഒരാള് പറഞ്ഞു. പുതിയ റോഡുകള്, ഫ്ളൈ ഓവറുകള്, മികച്ച ട്രാഫിക് നിയന്ത്രണം എന്നിവയിലൂടെ മഹാകുംഭ് നഗര നവീകരണത്തിന്റെ ഭാഗമായി മുന്വര്ഷത്തെ അപേക്ഷിച്ച് നഗരം എങ്ങനെ രൂപാന്തരപ്പെട്ടുവെന്ന് ഉപയോക്താവ് വിശദീകരിച്ചു. ഇത്രയും വലിയൊരു പരിപാടി സംഘടിച്ചതിന്റെ ആവേശം ക്ഷീണമായി മാറിയിരിക്കുന്നതായി ഇവര് ചൂണ്ടിക്കാട്ടുന്നു. ''ഇപ്പോള് ഫെബ്രുവരി 19 ആണ്. അവസാനത്തെ അമൃത് സ്നാന് ഇതിനകം പൂര്ത്തിയായി. ഞങ്ങള് അക്ഷരാര്ത്ഥത്തില് മഹാകുംഭത്തിന്റെ അവസാന ഘട്ടത്തിലാണ്. എന്നിട്ടും എന്തുകൊണ്ടാണ് ജനക്കൂട്ടം കുറയുന്നതിന് പകരം വര്ദ്ധിക്കുന്നത്?'' സാമൂഹ്യമാധ്യമത്തില് ഇട്ട പോസ്റ്റില് അയാള് ചോദിച്ചു.
തിരക്കേറിയ ഹൈവേകളും തിരക്കേറിയ പൊതുഗതാഗത സംവിധാനങ്ങള്ക്കും പുറമേ ചെറിയ പാതകള് പോലും ആളുകളും കാറുകളും നിറഞ്ഞ് വഷളായ സാഹചര്യങ്ങളില് എത്തിയെന്ന് ഉപയോക്താവ് വിവരിച്ചു. ഇവിടേയ്ക്ക് വരുന്നവര് പോലും തിരക്കിന് ഇവിടുത്തെ നാട്ടുകാരെ കുറ്റപ്പെടുത്തുകയാണെന്ന് ഉപയോക്താവ് പറഞ്ഞു. അദ്ദേഹം എഴുതി. ''ഏറ്റവും മോശമായ കാര്യം നാട്ടുകാരെ കുറ്റപ്പെടുത്തുന്നു എന്നതാണ്. ഇന്നലെ, ഞാന് വിചാരിച്ചു, നമുക്ക് നഗരത്തിന്റെ ബാക്കി ഭാഗങ്ങളില് ചുറ്റിക്കറങ്ങാമെന്ന്. എന്നാല് അത് ഏറ്റവും വലിയ തെറ്റാണെന്ന് മനസ്സിലായി. ഞാന് എന്റെ വാഹനം പുറത്തേക്ക് എടുത്തപ്പോള് ആക്രോശിച്ചു കൊണ്ട് ചില അപരിചിതര് തടഞ്ഞുനിര്ത്തി.''
ഭക്തരോട് ഇവിടേയ്ക്കുള്ള യാത്രകള് തല്ക്കാലം മാറ്റിവയ്ക്കാന് ആവശ്യപ്പെട്ടുള്ള നിരാശാജനകമായ അഭ്യര്ത്ഥനയോടെയാണ് ഉപയോക്താവ് തന്റെ പോസ്റ്റ് അവസാനിപ്പിക്കുന്നത്. ''ദയവായി, ദൈവസ്നേഹത്തിനായി, വരുന്നത് നിര്ത്തുക. ഗംഗയും സംഘവും എവിടെയും പോകുന്നില്ല. നിങ്ങള്ക്ക് പിന്നീട് സമാധാനമായി വരാം. ഈ നഗരത്തോടും അവിടുത്തെ ജനങ്ങളോടും അല്പ്പം കരുണ കാണിക്കൂ. ഞങ്ങള് നിങ്ങളോട് അപേക്ഷിക്കുന്നു.'' അദ്ദേഹം എഴുതി. ഒരു പൗര മര്യാദയും കൂടാതെ കാല്നടയാത്രക്കാര് തുപ്പുകയും മാലിന്യം വലിച്ചെറിയുകയും ചെയ്യുന്നുവെന്നും വാഹനങ്ങള് ഇതിനകം 'ഭ്രാന്തന്ട്രാഫിക്കി' നെ കൂടുതല് വഷളാക്കുകയാണെന്നും പോസ്റ്റില് അവകാശപ്പെട്ടു. ലോകത്തിലെ ഏറ്റവും വലിയ മത സമ്മേളനമായ മഹാ കുംഭം ജനുവരി 13 ന് ആരംഭിച്ച് ഫെബ്രുവരി 26 ന് സമാപിക്കും.
