കോട്ടയം : കേരളത്തിലെ ബസ് സ്റ്റാന്ഡുകളുടെ മുന്നില് പാട്ട കുലുക്കി പിരിവ് നടത്തുന്ന പാര്ട്ടിയാണ് സമരത്തിന് പിന്നില് പ്രവര്ത്തിക്കുന്നത്. അതിന്റെ നേതാവാണ് മിനിയെന്നും രൂക്ഷമായി വിമര്ശിച്ച് സിഐടിയു സംസ്ഥാന വൈസ് പ്രസിഡന്റ് പിബി ഹര്ഷകുമാര്. ആശാവര്ക്കര്മാരുടെ സമരത്തെ രൂക്ഷമായി അധിക്ഷേപിച്ച് സിഐടിയു നേതാക്കള് വീണ്ടും രംഗത്ത് വന്നു.
സമരസമിതി നേതാവ് എസ് മിനി സാംക്രമിക രോഗം പരത്തുന്ന കീടമാണെന്നായിരുന്നു ആക്ഷേപം. സമരത്തിന്റെ ചെലവില് കുറേ ദിവസമായി തിരുവനന്തപുരത്ത് കഴിഞ്ഞു കൂടുകയാണെന്നും പറഞ്ഞു. പത്തനംതിട്ടയിലും തിരുവനന്തപുരത്തും ആശാ വര്ക്കേഴ്സ് ഫെഡറേഷന് സിഐടിയു നടത്തിയ കേന്ദ്ര സര്ക്കാര് ഓഫീസിലേക്കുള്ള മാര്ച്ചിലാണ് അധിക്ഷേപമുണ്ടായത്. തിരുവനന്തപുരത്തും ബദല് സമരം നടത്തി.
അധിക്ഷേപങ്ങള് കൊണ്ടൊന്നും തളരില്ലെന്നും സമരസമിതി വ്യക്തമാക്കി. രാപ്പകല് സമരം 19 ദിവസമാണ് പിന്നിടുന്നത്. നേരത്തേ എളമരം കരീമും ആശാ സമരത്തെ പരിഹസിച്ച് രംഗത്ത് വന്നിരുന്നു. സമരം നടത്തുന്ന ഈര്ക്കില് സംഘടനയാണെന്നും മാധ്യമ ശ്രദ്ധ കിട്ടിയപ്പോള് സമരക്കാര്ക്ക് ഹരമായെന്നും കരീം വിമര്ശിച്ചു. ആരോഗ്യമേഖലയെ പ്രതിസന്ധിയിലാക്കി സമരം അംഗീകരിക്കാനാവില്ലെന്നും പറഞ്ഞു.
