തൊണ്ണൂറുകളില് ബോളിവുഡിന്റെ ഹിറ്റ് ചാര്ട്ടുകളില് ഇടം നേടിയ നമ്പര് വണ് സോംഗായിരുന്നു ശില്പ്പ ഷെട്ടിയും അക്ഷയ് കുമാറും തകര്ത്താടിയ ‘ചൂരാ കെ ദില് മേരാ’. ഇന്നും ഈ ഗാനത്തിന് ആസ്വാദകര് ഏറെയാണ്. ഒരു കാലത്ത് പ്രണയിതാക്കളായിരുന്ന അക്ഷയ് കുമാറും ശില്പ്പയും ഒരുമിച്ചെത്തിയ ഈ പാട്ട് ചടുല നൃത്തം കൊണ്ടും പ്രണയനിമിഷങ്ങള് കൊണ്ടും ആരാധകര്ക്ക് ഏറെ പ്രിയപ്പെട്ടതാണ്.
ഓണ് സ്ക്രീന് ജോഡികളുടെ പ്രണയം പിന്നീട് രണ്ടു വഴിക്കായി. അതിനിടയില് രണ്ടുപേരും പരസ്പരം മിണ്ടാതെയുമായിരുന്നു. അതിനു ശേഷം രണ്ടുപേരും തങ്ങളുടെ ജീവിതപങ്കാളികളെ കണ്ടെത്തി സന്തോഷകരമായി ജീവിക്കുകയാണ്.
ഇപ്പോഴിതാ 30 വര്ഷങ്ങള്ക്ക് ശേഷം എച്ച്.ടി സ്റ്റൈൽ അവാർഡ് വേദിയിലെത്തിയ ശില്പ്പയും അക്ഷയ് യും തങ്ങളുടെ ഹിറ്റ് ഗാനമായ ‘ചൂരാ കെ ദില് മേരാ‘യ്ക്ക് ചുവടു വയ്ക്കന്ന വീഡിയോയാണ് സോഷ്യല് മീഡിയ ഏറ്റെടുക്കുന്നത്. 90-കളിലെ ഈ ഗാനത്തിന്റെ ചുവടുകൾ ഇരുവരും പുനഃസൃഷ്ടിച്ചപ്പോള് പ്രേക്ഷകർ കൈയടിയോടെയത് ആസ്വദിച്ചു. വെളുത്ത നിറത്തിലുള്ള സ്യൂട്ട് ധരിച്ച് അക്ഷയ് കുമാർ വളരെ സുന്ദരനായി കാണപ്പെട്ടു. വെള്ള നിറത്തിലുള്ള തീം ആയിരുന്നതിനാൽ, ശിൽപ ഷെട്ടിയും മനോഹരമായ വെളുത്ത സാരിയും ബാക്ക്ലെസ് ബ്ലൗസുമാണ് ധരിച്ചത്. പാട്ട് പ്ലേ ചെയ്തപ്പോള് രണ്ടുപേരും പഴയ കാലത്തിലേക്ക് തിരിച്ചു നടന്നു, ചടുലമായി നൃത്തം ചെയ്തു. ഇവര് രണ്ടാളും തമ്മിലുള്ള പിണക്കമൊക്കെ മാറിയോ എന്നാണ് സോഷ്യല് മീഡിയയില് നിറയുന്ന കമന്റുകളില് ഏറെയും.
ഇരുവരുടെയും അതിശയിപ്പിക്കുന്ന പ്രകടനത്തിലും സോഷ്യല് മീഡിയയിലും കമന്റുകള് നിറയുന്നുണ്ട്. ‘30 വർഷങ്ങൾക്ക് ശേഷം അക്ഷയ് ശിൽപ വീണ്ടും ഒന്നിക്കുന്നു, രാജ് കുന്ദ്രയും ട്വിങ്കിള് ഖന്നയുമിത് കാണുന്നില്ലേ’ എന്നതടക്കമാണ് കമന്റുകള്.
