തെന്നിന്ത്യൻ താരറാണി തമന്ന ഭാട്ടിയയും വിജയ് വർമ്മയും തമ്മിലുള്ള പ്രണയം കുറെ നാളുകളായി സോഷ്യൽ മീഡിയയിൽ നിറഞ്ഞു നിൽക്കുന്നുണ്ട്. ഒരുമിച്ച് പലയിടത്തും പ്രത്യക്ഷപെട്ട ഇവർ രണ്ടാളും പ്രണയം ആദ്യം പരസ്യപെടുത്തിരുന്നില്ല. പക്ഷേ പിന്നീടവർ തന്നെയത് പറയാതെ പറഞ്ഞു, സമ്മതിച്ചു.
എന്നാലിപ്പോഴിതാ ഈ പ്രണയജോഡികൾ വേർപിരിഞ്ഞതായിട്ടാണ് റിപ്പോർട്ട്. തമന്നയും വിജയ് വർമ്മയും തമ്മിലുള്ള വിവാഹത്തെക്കുറിച്ചുള്ള അഭ്യൂഹങ്ങൾ ഉയർന്ന് ആഴ്ചകൾക്ക് ശേഷമാണ് ഈ വാർത്ത വന്നിരിക്കുന്നത്.
റിപ്പോർട്ടുകൾ പ്രകാരം വേർപിരിയലിനു ശേഷവും, അവർ ഇപ്പോഴും പരസ്പര ബഹുമാനവും സൗഹാർദ്ദപരമായ ബന്ധവും പങ്കിടുന്നു എന്നാണ് കേൾക്കുന്നത്. ആഴ്ചകൾക്ക് മുമ്പ് അവർ കാര്യങ്ങൾ അവസാനിപ്പിച്ചെങ്കിലും തിരക്കേറിയ ഷെഡ്യൂളുകളിൽ ശ്രദ്ധ കേന്ദ്രീകരിച്ച് സുഹൃത്തുക്കളായി തുടരാൻ പദ്ധതിയിട്ടിരുന്നതായി അവരുമായി അടുത്ത വൃത്തങ്ങൾ വെളിപ്പെടുത്തി.
എന്നാൽ വേർപിരിയലിന് പിന്നിലെ കാരണം അജ്ഞാതമായി തുടരുന്നു, തമന്നയോ വിജയോ ഇതുവരെ ഈ കിംവദന്തികളെക്കുറിച്ച് പ്രതികരിച്ചിട്ടില്ല.
