തന്റെ കരിയറിലെ മൂന്നു സൂപ്പര്ഹിറ്റ് സിനിമകളിലെ കഥാപാത്രങ്ങളുടെ ചിത്രങ്ങള് ഉണ്ണി മുകുന്ദന് ഇന്സ്റ്റഗ്രാമില് പങ്കുവെച്ചിരുന്നു. ഓര്മക്കുറിപ്പ് എന്ന തലക്കെട്ടോടെയായിരുന്നു മാര്ക്കോ, വിക്രമാദിത്യന്, മാളികപ്പുറം എന്നീ സിനിമകളിലെ കഥാപാത്രങ്ങളുടെ ചിത്രങ്ങള് താരം പങ്കുവെച്ചത്. അഭിനന്ദനങ്ങളും വിമര്ശനങ്ങളും ഒരുപോലെ ഏറ്റുവാങ്ങിയ പോസ്റ്റ് സമൂഹമാധ്യമങ്ങളില് വൈറലായി.
സിനിമാ താരങ്ങളും ഉണ്ണി മുകുന്ദന്റെ ചിത്രങ്ങള്ക്ക് കമന്റുമായി എത്തി. മാര്ക്കോ നെഗറ്റീവ് ഇന്ഫ്ളുവന്സ് , അയ്യപ്പന് പൊളിറ്റിക്കല് ഇന്ഫ്ളുവന്സ്, വിക്രമന് മാത്രമാണ് കഥാപാത്രം എന്നാണ് നടി സാധിക വേണുഗോപാല് കമന്റ് ചെയ്തത്. സാധികയുടെ കമന്റിന് ഉണ്ണി മുകുന്ദന്റെ ആരാധകര് മറുപടിയുമായെത്തി.
‘അയ്യപ്പന് എങ്ങനെയാണ് രാഷ്ട്രീയമാകുന്നത്, അയ്യപ്പന് ഒരു ദൈവീക പരിവേഷമാണ്. അയ്യപ്പനെ രാഷ്ട്രീയവല്ക്കരിക്കുന്നതിനു പിന്നിലെ മാനസികാവസ്ഥ മനസ്സിലാകുന്നില്ല. അപ്പോള് നിങ്ങള് പറയുന്നത് അയ്യപ്പനെ ആരാധിക്കുന്ന എല്ലാവരും രാഷ്ട്രീയക്കാരാണ് എന്നാണോ?’ എന്നാണ് ഒരാള് കമന്റ് ചെയ്തത്.
