ബോളിവുഡില് വില്ലനായും കോമേഡിയനായുമൊക്കെ തിളങ്ങി നിന്നിരുന്ന താരമായ ശക്തി കപൂറിന്റെ മകളും അഭിനേത്രിയും ഗായികയുമാണ് ശ്രദ്ധ കപൂര്. പ്രസന്നമായ മുഖത്തോടെ മിക്ക സമയത്തും കാണാറുള്ള താരത്തെ വെറുക്കുന്നവര് വളരെ കുറവാണ്. ചിരിച്ച മുഖത്തോടെ തന്റെ അഭിപ്രായങ്ങള് മറ്റുള്ളവരെ വിഷമിക്കാതെ പറയാറുള്ള താരത്തെ സഹതാരങ്ങളും ഏറെയിഷ്ടപ്പെടുന്നുണ്ട്.
ആദ്യ സിനിമയിലൂടെ തന്നെ പ്രേക്ഷകരുടെ മനസ്സ് കീഴടക്കിയ താരമാണ് ശ്രദ്ധ. തന്റെ ശബ്ദമാധുര്യം കൊണ്ടും താരം പ്രേക്ഷകരുടെ മനസ്സ് കീഴടക്കിയിട്ടുണ്ട്. അഭിമുഖങ്ങളിലും മറ്റും വളരെ നര്മ്മരസം കലര്ന്നു സംസാരിക്കാറുള്ള ശ്രദ്ധയ്ക്ക് ആരാധകരും ഏറെയാണ്. സോഷ്യല് മീഡിയയിലും സജീവമാണ് ശ്രദ്ധ. തന്റെ എല്ലാ വിശേഷങ്ങളും ഫോട്ടോഷൂട്ടുകളും ശ്രദ്ധ അതിലൂടെ പങ്കിടാറുണ്ട്.
ഇപ്പോഴിതാ തന്റെ ബാല്യകാലത്തെ ഒരു ത്രോ ബാക്ക് ചിത്രം പങ്കിട്ടാണ് ശ്രദ്ധയുടെ ഇന്സ്റ്റ പോസ്റ്റ്. കുട്ടിക്കാലം മുതൽ തന്നെ തന്റെ പുതിയ ലുക്ക് പ്ലാൻ ചെയ്യുകയായിരുന്നുവെന്നാണ് താരത്തിന്റെ പോസ്റ്റ്. ‘‘സ്വൈപ്പ് ചെയ്ത് നോക്കിയാൽ പുതിയ ലുക്ക് എങ്ങനെയിരിക്കും എന്ന് പ്ലാന് ചെയ്യാന് തുടങ്ങിയത് എന്നാണെന്ന് മനസ്സിലാകും...’’ എന്ന ക്യാപ്ഷനൊപ്പമാണ് താരത്തിന്റെ പോസ്റ്റ്. കുട്ടിക്കാലത്തെ ചിത്രത്തില് ഒരു മുയലിനെ കൈയില് പിടിച്ച് ക്യൂട്ടായി ക്യാമറയ്ക്ക് പോസ് ചെയ്യുന്നത് കാണാം.
ഇപ്പോഴത്തെ ലുക്കിൽ, ദിവ ചുവന്ന ടോപ്പിൽ സ്റ്റൈലിഷാണ്. നിരവധി സ്വർണ്ണ ചെയിനുകൾ, സ്വർണ്ണ വളയ കമ്മലുകൾ, കോംപ്ലിമെന്ററി മോതിരങ്ങൾ, ഈവിള് ഐയുള്ള സ്വർണ്ണ ബ്രേസ്ലെറ്റുകൾ എന്നിവ ധരിച്ചിട്ടുണ്ട്.
ചിത്രങ്ങള്ക്ക് താഴെ നിരവധി കമന്റുകളാണ് ആരാധകര് കുറിച്ചിരിക്കുന്നത്. കൂടുതലും ശ്രദ്ധയുടെ ക്യൂട്ട്നെസ്സ് മാറിയിട്ടില്ല എന്നുള്ളതാണ്. കുട്ടിക്കാലത്ത് ശ്രദ്ധയ്ക്ക് ഉണ്ടായിരുന്ന അതേ മുടിയിഴകളാണെന്നും, വർഷങ്ങള്ക്കിപ്പുറവും താരത്തിന്റെ മുഖത്തും വലിയ മാറ്റമൊന്നും സംഭവിച്ചിട്ടില്ലെന്നും പലരും കുറിക്കുന്നുണ്ട്.
ശ്രദ്ധ തന്റെ അടുത്ത ചിത്രത്തെക്കുറിച്ച് ഇതുവരെ പ്രഖ്യാപിച്ചിട്ടില്ലെങ്കിലും ‘തുംബാദ് സിനിമയുടെ സംവിധായകന് രാഹി അനിൽ ബാർവെയ്ക്കൊപ്പമുള്ള ഒരു പ്രൊജക്ടുണ്ടാകുമെന്നാണ് സൂചന. നിർമ്മാതാവ് ഏക്താ കപൂറുമായി ഒരു മൾട്ടിഫിലിം കരാറിൽ ഒപ്പുവച്ചിട്ടുണ്ടെന്നും റിപ്പോര്ട്ടുണ്ട്. ‘ധൂം’ ഫ്രാഞ്ചൈസിയുടെ വരാനിരിക്കുന്ന ഭാഗത്തിനായി ചർച്ചകൾ നടത്തുന്നുണ്ടെന്നും റിപ്പോർട്ടുണ്ട്. ഈ റിപ്പോർട്ടുകൾ സ്ഥിരീകരിച്ചാൽ, ‘തു ജൂത്തി മേം മക്കാർ’ എന്ന ചിത്രത്തിലെ സഹതാരം രൺബീർ കപൂറിനൊപ്പം താരം വീണ്ടും അഭിനയിച്ചേക്കും.
