സിനിമകളിലൂടെയും സീരിയലുകളിലൂടെയും ആരാധകരുടെ പ്രിയങ്കരിയായി മാറിയ താരമാണ് ഗായത്രി അരുണ്. ചെറുപ്പം മുതല് അഭിനയത്തില് താല്പര്യം ഉള്ളയാളാണ് ഗായത്രിയെന്നു പല തവണ പറഞ്ഞിട്ടുണ്ട്.
സോഷ്യൽ മീഡിയയിലും സജീവമാണ് താരം. എല്ലാ വിശേഷങ്ങളും താരം അതിലൂടെ പങ്കിടാറുണ്ട്.
ഇപ്പോഴിതാ തന്റെ ഭർത്താവ് അരുണിന്റെ വലിയൊരു സന്തോഷം പങ്കിടുകയാണ് താരം. കാലടി ശങ്കര മഡോമിൽ നിന്ന് എൽഒസിയിലേക്കുള്ള ചലോ എൽഒസി ബുള്ളറ്റ് റൈഡിൽ പങ്കെടുക്കുന്ന സന്തോഷമാണ് ഗായത്രി പങ്കിട്ടിരിക്കുന്നത്. "അഭിമാനവും വൈകാരികതയും നിറഞ്ഞ നിമിഷം... കാലടി ശങ്കര മഡോമിൽ നിന്ന് എൽഒസിയിലേക്കുള്ള ചലോ എൽഒസി ബുള്ളറ്റ് റൈഡ് അരുൺ ആരംഭിച്ചു - "ബുള്ളറ്റ് എഗൈൻസ്റ്റ് ബുള്ളറ്റ്" എന്ന സന്ദേശം ഉൾക്കൊള്ളുന്ന ഒരു യാത്ര.
രാം സാറഹ നയിക്കുന്ന ഈ ദേശീയ പ്രസ്ഥാനം സമാധാനത്തിനും ഐക്യത്തിനും വേണ്ടി നിലകൊള്ളുന്നു, ദാരുണമായ പഹൽഗാം ആക്രമണത്തെത്തുടർന്ന് ഇന്ത്യ എല്ലാവർക്കും സുരക്ഷിതമാണെന്ന സന്ദേശം പ്രചരിപ്പിക്കാനും വേണ്ടിയാണ് നിലകൊള്ളുന്നത്. ഞാനും ഉടൻ തന്നെ ഈ റൈഡിൽ ചേരും - ഒരു ഇന്ത്യക്കാരനായതിൽ അഭിമാനിക്കുന്നു.... " എന്നാണ് ഗായത്രി കുറിച്ചിരിക്കുന്നത്. മകൾ കല്ലു അച്ഛന് വേണ്ടി തയ്യാറാക്കിയ ഡ്രോയിങും ഗായത്രി പങ്കുവച്ചിട്ടുണ്ട്.
