ബാലതാരമായി ഇൻഡസ്ട്രിയിൽ എത്തി മലയാളത്തിനുപുറമെ അന്യഭാഷകളിലും തിളങ്ങിയ നടിയാണ് മഞ്ജിമ മോഹൻ . 90 സ് കിഡ്സിനു മഞ്ജിമയെ ഓർക്കുമ്പോൾ തന്നെ ഓർമ്മ വരുന്നത് അവതരിപ്പിച്ച സൂര്യ ടിവിയി ലെ ഷോ തന്നെ ആയിരിക്കാം. സോഷ്യൽ മീഡിയിൽ ഏറെ ആക്റ്റീവ് ആയ മഞ്ജിമയ്ക്ക് ഇൻസ്റ്റയിൽ രണ്ടുമില്യന് ഫോളോവേഴ്സ് ആണുള്ളത്. എന്നാൽ താൻ ഇപ്പോൾ ഒരു ചെറിയ ഇടവേള എടുക്കുന്നു എന്നാണ് താരം പറയുന്നത്
കഴിഞ്ഞ കുറച്ച് ദിവസങ്ങൾ ആയി ആലോചിച്ചെടുത്ത തീരുമാനം . കുറച്ചു ദിവസങ്ങളായി ഞാൻ ചിന്തിക്കുമ്പോൾ ചില കാര്യങ്ങൾ എന്നെ ഓർമ്മിപ്പിച്ചു, ശരിക്കും ജീവിതത്തിൽ പ്രധാനപ്പെട്ടത് എന്താണെന്ന്! ആരോഗ്യം, സമാധാനം, സൗഖ്യം ഒക്കെയാണ് ജീവിതത്തിൽ ഏറ്റവും പ്രധാനം. മറ്റെല്ലാം കാത്തിരിക്കാം അതൊക്കെ വന്നുചേർന്നുകൊള്ളും ഏന്നാൽ ഈ മൂന്നുഘടകങ്ങൾ നമ്മൾ തനിയെ ഉണ്ടാക്കേണ്ടത് ആണ്
. അതുകൊണ്ടുതെന്നേ ഈ കാര്യങ്ങൾ എന്റെ മനസ്സിൽ വെച്ചുകൊണ്ട്, വിശ്രമിക്കാനും, ഊർജ്ജം വീണ്ടെടുക്കാനും, ഏറ്റവും പ്രധാനപ്പെട്ട കാര്യങ്ങളിൽ ശ്രദ്ധ കേന്ദ്രീകരിക്കാനും ഞാൻ ഇൻസ്റ്റാഗ്രാമിൽ നിന്ന് ഒരു ചെറിയ ഇടവേള എടുക്കുന്നു. ചിലപ്പോൾ വേഗത കുറഞ്ഞുപോകുന്നത് മുന്പോട്ടുള്ള ഏറ്റവും ശക്തമായ ചുവട് വയ്പ്പിനെന്നും മഞ്ജിമ പറയുന്നു.
ഇടക്ക് നസ്രിയ ഫഹദും ഇതേ രീതി ഫോളോ ചെയ്തിരുന്നു. ഇവർ മാത്രമല്ല സോഷ്യൽ മീഡിയ ഇടത്തിലെ ബഹളങ്ങളിൽ നിന്നും വ്യക്തിപരമായി കിട്ടേണ്ട നിമിഷങ്ങൾക്ക് വേണ്ടി മിക്ക താരങ്ങളും സോഷ്യൽ മീഡിയ ഇടത്തിൽ നിന്നും ബ്രേക്ക് എടുക്കാറുണ്ട്.
മധുരനൊമ്പരക്കാറ്റ് എന്ന ചിത്രത്തിലെ അഭിനയത്തിനു കേരള സംസ്ഥാന ചലച്ചിത്ര പുരസ്കാരം നേടിയ മഞ്ജിമ പിന്നീട് ചലച്ചിത്ര രംഗത്തു നിന്നു വിട്ടുനിന്നു. 2015ൽ ഒരു വടക്കൻ സെൽഫി എന്ന ചിത്രത്തിലൂടെ മഞ്ജിമ വീണ്ടും ചലച്ചിത്ര രംഗത്തേക്ക് തിരിച്ചു വന്നു. 2022 നവംബർ ൽ ആയിരുന്നു ഗൗതവുമായുളള മഞ്ജിമയുടെ വിവാഹം.
