തിരുവനന്തപുരം: സമൂഹമാധ്യങ്ങളിലൂടെ സൗഹൃദം സ്ഥാപിച്ച് സമ്മാനങ്ങള് വാഗ്ദാനം ചെയ്ത് പണം തട്ടുന്ന സംഘങ്ങള്ക്കെതിരെ മുന്നറിയിപ്പുമായി പൊലീസ്. വിലപിടിപ്പുള്ള സമ്മാനങ്ങള് വാഗ്ദാനം ചെയ്യുകയും ഇതിന്റെ പേരില് കസ്റ്റംസ്, എയര്പോര്ട്ട് സുരക്ഷാ ഉദ്യോഗസ്ഥരെന്ന വ്യാജേന പണം തട്ടുന്നതാണ് സംഘത്തിന്റെ രീതി.
വ്യാജ ഫോണ് കോള് വഴി നിങ്ങളുടെ പേരില് ലക്ഷങ്ങള് വിലപിടിപ്പുള്ള വസ്തുക്കള് പാര്സലായി അവിടെ എത്തിയിട്ടുണ്ടെന്നും, അതിന് കസ്റ്റംസ് തീരുവ അടച്ചിട്ടില്ലെന്നും, തുക അടച്ചില്ലെങ്കില് നിയമനടപടികള് നേരിടേണ്ടി വരുമെന്നും ഭയപ്പെടുത്തിയാണ് സംഘം പണം തട്ടുന്നതെന്നും പൊലീസ് മുന്നറിയിപ്പില് പറയുന്നു.
