കൊച്ചി: രാഹുല് മാങ്കൂട്ടത്തില് എംഎല്എയുടെ ഒന്നാമത്തെ ബലാത്സംഗ കേസില് മുന്കൂര് ജാമ്യഹര്ജി പരിഗണിക്കുന്നത് ഹൈക്കോടതി വ്യാഴാഴ്ചത്തേക്ക് മാറ്റി. മുന്കൂര് ജാമ്യഹര്ജി പരിഗണിക്കുന്നത് വരെ നേരത്തെ രാഹുലിന്റെ അറസ്റ്റ് കോടതി തടഞ്ഞിരിക്കുന്ന സാഹചര്യം നീട്ടുകയും ചെയ്തിട്ടുണ്ട്. രാഹുല് മാങ്കൂട്ടത്തില് എംഎല്എയുടെ അറസ്റ്റ് ഹൈക്കോടതി നേരത്തെ തടഞ്ഞിരുന്നു.
നേരത്തെ രണ്ടാമത്തെ ബലാത്സംഗ കേസില് തിരുവനന്തപുരം അഡീഷണല് പ്രിന്സിപ്പല് സെഷന്സ് കോടതി മുന്കൂര് ജാമ്യം അനുവദിച്ചതിന് പിന്നാലെ രണ്ടാഴ്ചയോളം നീണ്ട ഒളിവ് ജീവിതം അവസാനിപ്പിച്ച് രാഹുല് മാങ്കൂട്ടത്തില് പുറത്ത് വന്നിരുന്നു. രണ്ടാമത്തെ ലൈംഗികാതിക്രമ കേസിലും ഉപാധികളോടെ ജാമ്യം ലഭിച്ചതോടെ പാലക്കാട് വോട്ടു ചെയ്യാന് രാഹുല് എത്തിയിരുന്നു.
മുന്കൂര് ജാമ്യാപേക്ഷ തിരുവനന്തപുരം പ്രിന്സിപ്പല് സെഷന്സ് കോടതി തള്ളിയതോടെയായിരുന്നു രാഹുല് ഹൈക്കോടതിയെ സമീപിച്ചത്. ജസ്റ്റിസ് കെ ബാബു അധ്യക്ഷനായ സിംഗിള് ബെഞ്ച് ആണ് മുന്കൂര് ജാമ്യാപേക്ഷ പരിഗണിച്ചത്. അതിജീവിതയുടെ പരാതിയനുസരിച്ച് എസ്ഐടി ചുമത്തിയ ബലാത്സംഗക്കുറ്റം നിലനില്ക്കില്ലെന്നായിരുന്നു മുന്കൂര് ജാമ്യാപേക്ഷയില് രാഹുല് മാങ്കൂട്ടത്തില് വാദിച്ചിരുന്നു
നേരത്തേ രണ്ടാമത്തെ ബലാത്സംഗ കേസില് രാഹുല് മാങ്കൂട്ടത്തില് എംഎല്എയ്ക്ക് തിരുവനന്തപുരം അഡീഷണല് പ്രിന്സിപ്പല് സെഷന്സ് കോടതി മുന്കൂര് ജാമ്യം അനുവദിച്ചിരുന്നു. ഉപാധികളോടെയാണ് മുന്കൂര് ജാമ്യം അനുവദിച്ചത്. എല്ലാ തിങ്കളാഴ്ചയും അന്വേഷണ ഉദ്യോഗസ്ഥര്ക്ക് മുന്നില് ഹാജരാകണണെന്നാണ് നിര്ദേശം.
