മോഹൻലാലിന്റെ ഭാര്യയാകും മുൻപ് തന്നെ സിനിമലോകത്തോട് ഏറെ അടുപ്പമുള്ള താരപത്നിയായിരുന്നു സുചിത്ര മോഹൻലാൽ. പ്രശസ്ത തമിഴ് നടനും നിര്മ്മാതാവുമായ കെ ബാലാജിയുടെ മകളാണ് സുചിത്ര. മോഹൻലാലിന്റെ ഭാര്യയായതോടെ മലയാള പ്രേക്ഷകരുടെ സ്വന്തം സുചി ചേച്ചിയായി സുചിത്ര മാറി. ഒരിക്കലും സിനിമയിൽ അഭിനയിച്ചിട്ടില്ലെങ്കിലും ഒരുപാട് താരങ്ങളുമായി സൂചിത്രയ്ക്ക് ആത്മബന്ധമുണ്ട്.
ഇപ്പോഴിതാ 25 വര്ഷങ്ങൾക്ക് ശേഷം മലയാളി സിനിമയിലേക്ക് ശക്തമായ തിരിച്ചു വരവിന് ഒരുങ്ങുന്ന തന്റെ പ്രിയ കൂട്ടുകാരിയെ കാണാൻ സിനിമാ സെറ്റിൽ ഓടിയെത്തിയ സുചിത്ര മോഹൻലാലിന്റെ ചിത്രങ്ങളാണ് ആരാധകർ ഏറ്റെടുക്കുന്നത്. സന്ദര്ഭം, കാതോട് കാതോരം തുടങ്ങി നിരവധി ചിത്രങ്ങളിലൂടെ മലയാളികൾക്ക് ഏറെ സുപരിചിതയായ സരിതയെ കാണാനാണ് 'ആരംഭം' സിനിമയുടെ ലൊക്കേഷനായ തൃശൂരിലേക്കാണ് സുചിത്ര ഓടിയെത്തിയത്.
തെന്നിന്ത്യൻ താരം ഖുശ്ബുവിന്റെയും സുന്ദർ സിയുടെയും മകൾ അവന്തിക മലയാളത്തിൽ അരങ്ങേറ്റം കുറിക്കുന്ന ചിത്രം കൂടിയാണ് ആരംഭം. ചിത്രത്തിൽ ശക്തമായ വേഷത്തിൽ സരിതയുമുണ്ട്.
സരിതയെയും സംവിധായകൻ സുജേഷ് ആനി ഈപ്പനേയും അവന്തികയെയും കാണാനായി തൃശൂരിലെ ഷൂട്ടിംഗ് ലൊക്കേഷനിൽ സുചിത്ര എത്തിയതോടെ 'ആരംഭം' ലൊക്കേഷൻ അപൂർവ്വ സൗഹൃദ സംഗമത്തിന് കൂടി വേദിയായി മാറി. സംവിധായകൻ സുജേഷ് ആനി ഈപ്പനുമായും സുചിത്രയ്ക്ക് വർഷങ്ങൾ നീണ്ട സൗഹൃദമുണ്ട്.
അവന്തികയുടെ അമ്മ ഖുശ്ബു 1991-ൽ 'അങ്കിൾ ബൺ' എന്ന സിനിമയിലൂടെ മോഹൻലാലിന്റെ നായികയായി എത്തിയത് പോലെ അവന്തികയും മലയാള സിനിമയിലൂടെ തന്റെ സിനിമാ യാത്രയ്ക്ക് മനോഹരമായ ഒരു ആരംഭം കുറിക്കുമെന്ന പ്രതീക്ഷയിലാണ് ആരാധകർ.
'ആരതി' എന്ന കഥാപാത്രത്തെയാണ് അവന്തിക ഈ സിനിമയിൽ അവതരിപ്പിക്കുന്നത്.
അൽത്താഫ് സലീം, ഇന്ദ്രൻസ്, വിജയരാഘവൻ, കൃഷ്ണ ശങ്കർ, കലാഭവൻ ഷാജോൺ, സുനിൽ സുഗത, വിജി വെങ്കടേഷ്, നോബി മാർക്കോസ്, രാജേഷ് ശർമ്മ, രമേഷ് കോട്ടയം, സൗമ്യ ഭാഗ്യം പിള്ള, സ്ഫടികം ജോർജ്ജ്, ഭഗത് മാനുവൽ, ഷിൻസ്, തഴവ സഹദേവൻ, പ്രിയങ്ക, ഷൈനി സാറ, ഉണ്ണി രാജ, കുമാർ സേതു, ഷോബി തിലകൻ, സജിമോൻ, ലിഷോയ്, മൂന്നാർ രമേഷ്, ജിനു കോട്ടയം, രഞ്ജൻ ദേവ്, ആർദ്ര മോഹൻ, അർണവ്, ഹരി നമ്പൂതിരി തുടങ്ങി വലിയൊരു താരനിരയാണ് ചിത്രത്തിൽ അഭിനയിക്കുന്നത്.
കുന്നംകുളം, ചാവക്കാട്, കൊല്ലങ്കോട് എന്നിവിടങ്ങളിലായാണ് സിനിമയുടെ ഷൂട്ടിംഗ് പുരോഗമിക്കുന്നത്. തമിഴ്, മലയാളം ഭാഷകളിൽ പ്രദര്ശനത്തിനെത്തുന്ന ചിത്രത്തിന് സംഗീകം പകരുന്നത് ഗോപിസുന്ദറാണ്.
