വിവാഹശേഷം ആദ്യമായി കുടകിലെത്തി താരദമ്പതിമാരായ വിജയ് ദേവരകൊണ്ടയും രശ്മിക മന്ദാനയും. രശ്മികയുടെ ജന്മനാടുകൂടിയാണ് കുടക്. കുടകിനോടുളള ഇഷ്ടത്തെക്കുറിച്ച് വിജയ് ദേവരകൊണ്ട പറഞ്ഞ വാക്കുകളാണിപ്പോള് സോഷ്യല് മീഡയയില് വൈറലാകുന്നത്.
കുടകിലെ സ്ത്രകീകളുടെ സൗന്ദര്യത്തെ പ്രശംസിച്ചുകൊണ്ടാണ് വിജയ് തന്റെ പ്രസംഗം ആരംഭിച്ചത്. കുടകിലെ സ്ത്രീകള് അതീവ സുന്ദരികളാണെന്ന് താന് രശ്മികയെ പരിചയപ്പെടുന്നതിന് മുമ്പ് തന്നെ കരുതിയിരുന്നതായി വിജയ് പറഞ്ഞു.
"കുടകിലെ സ്ത്രീകൾ അതിസുന്ദരികളാണെന്ന് ഞാൻ എപ്പോഴും വിശ്വസിച്ചിരുന്നു. ഇപ്പോൾ ഞാൻ അവരിൽ ഒരാളെ വിവാഹം കഴിച്ചിരിക്കുന്നു, അതിൽ ഞാൻ വളരെയധികം സന്തുഷ്ടനാണ്" എന്ന വിജയ് പറഞ്ഞു. തനിക്ക് കുടകിനോടുള്ള പ്രത്യേക ഇഷ്ടത്തെക്കുറിച്ചും വിജയ് സംസാരിച്ചു.
ഇത് തന്റെ മൂന്നാമത്തെ കുടക് സന്ദർശനമാണെന്നും, ആദ്യമായി ഇവിടെ വന്നത് സ്കൂൾ സുഹൃത്തുക്കളോടൊപ്പം വിനോദ യാത്രയ്ക്കായിരുന്നുവെന്നും അദ്ദേഹം ഓർത്തെടുത്തു. അന്ന് താൻ താമസിച്ചിരുന്നത് രശ്മികയുടെ ഒരു സുഹൃത്തിന്റെ വീട്ടിലായിരുന്നുവെന്ന കൗതുകകരമായ കാര്യവും അദ്ദേഹം പങ്കുവെച്ചു. അടുത്ത തവണ വരുമ്പോൾ രശ്മികയുടെ കുട്ടിക്കാലം കടന്നുപോയ സ്ഥലങ്ങൾ കാണാൻ ആഗ്രഹമുണ്ടെന്നും വിജയ് കൂട്ടിച്ചേർത്തു.
2026 ഫെബ്രുവരിയില് ഉദയ്പൂരില് വെച്ച് വിവാഹിതരായ ഇരുവരും രശ്മികയുടെ ജന്മദിനാഘോഷത്തിന്റെ ഭാഗമായാണ് കുടകിലെത്തിയത്. പരമ്പരാഗതമായ രീതിയില് നടന്ന ഈ ചടങ്ങില് രശ്മിക കുടവ ശൈലിയില് സാരി ധരിച്ചെത്തിയപ്പോള് ഔദ്യോഗിക വേഷത്തിലായിരുന്നു വിജയ്. രശ്മികയുടെ 30-ാം പിറന്നാള് ആഘോഷിച്ച താരദമ്പതികള്, കര്ണാടകയിലെ ഇഗ്ഗൂത്തപ്പ ക്ഷേത്രവും സന്ദര്ശിച്ചു.
രാഹുല് സംകൃത്യന് സംവിധാനം ചെയ്യുന്ന ' രണബാലി' ആണ് ഇരുവരുടേതുമായി റിലീസിനൊരുങ്ങുന്ന ചിത്രം. സെപ്റ്റംബര് 11 നാണ് ചിത്രം തിയേറ്ററുകളിലെത്തുന്നത്.
