എന്എഫ്ഡിസി ( ദേശീയ ചലച്ചിത്രവികസന കോര്പ്പറേഷന്) ചെയര്മാനായി ഇന്ന് ചുമതലയേല്ക്കുന്ന നടന് കൃഷ്ണകുമാറിന് ആശംസകളുമായി മകള് അഹാന കൃഷ്ണ. അച്ഛന്റെ ഈ പുതിയ യാത്ര കാണുന്നതില് തങ്ങള് ആവേശത്തിലും ത്രില്ലിലുമാണെന്ന് അഹാന കുറിച്ചു. പ്രധാനമന്ത്രി നരേന്ദ്ര മോദിക്കും രാഷ്ട്രപതി ദ്രൗപതി മുര്മുവിനും അഹാന നന്ദി പറഞ്ഞിട്ടുണ്ട്. അഹാനയുടെ വാക്കുകളിലേക്ക്:
"എൻഎഫ്ഡിസി ചെയർമാനായി നിയമിതനായതിന് അഭിനന്ദനങ്ങൾ അച്ഛാ. കേന്ദ്ര ഇൻഫർമേഷൻ & ബ്രോഡ്കാസ്റ്റിങ്, റെയിൽവേ, ഇലക്ട്രോണിക്സ് & ഐടി മന്ത്രി ശ്രീ അശ്വനി വൈഷ്ണവ് ജിയുടെ സാന്നിധ്യത്തിൽ, എൻഎഫ്ഡിസി ചെയർമാനായി ചുമതലയേൽക്കുകയും ഉത്തരവാദിത്വങ്ങളിലേക്ക് കടക്കുകയും ചെയ്യുന്ന ഇന്ന്, ഒരു കുടുംബമെന്ന നിലയിൽ നിങ്ങളുടെ ഈ പുതിയ യാത്ര കാണുന്നതിൽ ഞങ്ങൾ വളരെ ത്രില്ലിലും ആവേശത്തിലുമാണ്.
ഇന്ത്യൻ സിനിമയുടെ വികസനത്തിനും ക്ഷേമത്തിനും വേണ്ടി പ്രവർത്തിക്കാൻ അവസരം ലഭിക്കുന്നത് വിലമതിക്കാനാവാത്ത ഒന്നാണ്, നിങ്ങൾ ചെയ്യുന്ന ഏതൊരു കാര്യത്തിനും എപ്പോഴും നിങ്ങളുടെ പരമാവധി നൽകുന്നതു പോലെ, ഈ റോളിനോടുള്ള നിങ്ങളുടെ സമീപനവും വ്യത്യസ്തമായിരിക്കില്ലെന്ന് എനിക്ക് ഉറപ്പുണ്ട്.
ഒരു കുട്ടിയെന്ന നിലയിൽ, നിങ്ങളുടെ മാതാപിതാക്കൾ നേട്ടങ്ങൾ കൈവരിക്കുന്നതും വിജയിക്കുന്നതും നിരന്തരം ലക്ഷ്യബോധത്തോടെ മുന്നോട്ട് പോകുന്നതും കാണാൻ നിങ്ങൾ എപ്പോഴും ആഗ്രഹിക്കുന്നുണ്ടാകും. ഇന്ന്, അത് കാണാൻ കഴിയുന്ന ഈ സന്ദർഭത്തിൽ,
എന്റെ അച്ഛനെ ഇത്രയും അഭിമാനകരമായ ഒരു ഉത്തരവാദിത്വത്തിന് യോഗ്യനായി കണ്ടെത്തിയതിന് ബഹുമാനപ്പെട്ട രാഷ്ട്രപതി ശ്രീമതി ദ്രൗപതി മുർമുവിനും നമ്മുടെ പ്രിയപ്പെട്ട പ്രധാനമന്ത്രി ശ്രീ നരേന്ദ്ര മോദിജിക്കും നന്ദി പറയാൻ ഞാൻ ആഗ്രഹിക്കുന്നു.
ലക്ഷ്യം, വെളിച്ചം, സന്തോഷം എല്ലാമാണ് അദ്ദേഹത്തിന്റെ ജീവിതത്തിൽ ഇന്ന് നിറഞ്ഞു നിൽക്കുന്നത്. നിങ്ങളുടെ സ്ഥിരോത്സാഹവും ഉള്ളിലെ തീയുമാണ് നിങ്ങളെ ഇവിടെ എത്തിച്ചത് അച്ഛാ. എല്ലാവിധ ആശംസകളും".- അഹാന കൃഷ്ണ കുറിച്ചു.
