മലപ്പുറം: കൃഷ്ണന്റെ മുന്നില് മന്തി വെച്ചിരിക്കുന്ന ചിത്രം നല്കി നടത്തിയ പരസ്യത്തിന് മലപ്പുറത്ത് ഹോട്ടലുകള്ക്ക് എതിരേ കേസെടുത്ത് പോലീസ്. കോട്ടയ്ക്കലിലെ രണ്ടു ഹോട്ടലുകള് നല്കിയ പരസ്യമാണ് വിവാദത്തിലായത്. സാമൂഹ്യമാധ്യമങ്ങളില് പ്രത്യക്ഷപ്പെട്ട പരസ്യത്തില് നാട്ടുകാരില് ഒരാള് നല്കിയ പരാതിയിലായിരുന്നു പോലീസ് കേസെടുത്തത്. ഹോട്ടല് ഉടമകളെ അറസ്റ്റ് ചെയ്തിട്ടുണ്ട്.
അറേബ്യന് മജ്ലിസ്, റയ്ദാന് എന്നീ ഹോട്ടലുകളുടെ സാമൂഹ്യമാധ്യമ പേജില് പ്രത്യക്ഷപ്പെട്ട കൃഷ്ണന് മുന്നില് ചിക്കന് മന്തി വെച്ചുള്ള വിഷു ആശംസ പോസ്റ്ററാണ് വിവാദമായി മാറിയിരിക്കുന്നത്. സംഭവത്തില് കോട്ടയ്ക്കല് പോലീസാണ് കേസെടുത്തത്. സംഭവത്തില് മലപ്പുറം സ്വദേശി നലകിയ പരാതിയിലാണ് കേസ്. കലാപശ്രമം, മതവിദ്വേഷം പ്രചരിപ്പിക്കല് എന്നീ കുറ്റങ്ങള് ചുമത്തണമെന്ന് പരാതിയില് പറയുന്നു.
നേരത്തെ, ആലപ്പുഴയിലും സമാനമായ രീതിയിലുള്ള വിഷു ആശംസ പോസ്റ്റര് പ്രചരിച്ചിരുന്നു. സംഭവത്തില് ആലപ്പുഴയിലെ ഒരു അഭിഭാഷകന് നല്കിയ പരാതിയില് പോലീസ് കേസെടുത്തിരുന്നു. ചേര്ത്തലയിലെ മെഹര് മന്തി റസ്റ്റോറന്റ് ഉടമ അര്ഷാദിനെതിരെയാണ് കേസ് എടുത്തത്. കലാപം ഉണ്ടാക്കുക എന്ന ഉദ്ദേശ്യത്തോടെ മനഃപൂര്വമോ ദുരുദ്ദേശ്യപരമോ ആയ പ്രകോപനം ഉണ്ടാക്കിയെന്നാണ് കേസ്.
