ഹൃദയശസ്ത്രക്രിയക്കായി എറണാകുളം രാജഗിരിയില പ്രവേശിപ്പിക്കപ്പെട്ട നടനും മിമിക്രി താരവുമായ കണ്ണന് സാഗര് ചികിത്സ പൂര്ത്തിയാക്കി ആശുപത്രിവിട്ടു. ബ്ലോക്കിനെത്തുടര്ന്നാണ് കണ്ണന് സാഗറിനെ ആശുപത്രിയില് പ്രവേശിപ്പിച്ചത്. തന്റെ രോഗാവസ്ഥ വെളിപ്പെടുത്തിയ നടന് സഹായം അഭ്യര്ഥിച്ച് പോസ്റ്റ് പങ്കുവെച്ചിരുന്നു.
പിന്നാലെ മിമിക്രി താരങ്ങളുടെ സംഘടനയായ 'മാ 'കണ്ണന് സാഗറിന് സഹായവുമായെത്തി. ശസ്ത്രക്രിയയ്ക്കുവേണ്ട കാര്യങ്ങളെല്ലാം ഒരുക്കി തന്നത് രമേഷ് പിഷാരടിയാണെന്ന് ആശുപത്രിയില് പ്രവേശിപ്പിച്ചതിന് പിന്നാലെ കണ്ണന് സാഗര് പങ്കുവെച്ച വീഡിയോയില് പറഞ്ഞിരുന്നു.
സാമൂഹികമാധ്യമ പോസ്റ്റിലൂടെയാണ് ആശുപത്രിവിട്ട കാര്യം കണ്ണന് സാഗര് അറിയിച്ചത്. തന്നെ പരിചരിച്ച ഡോക്ടര്മാര്ക്കും നഴ്സുമാര്ക്കുമൊപ്പമുളള ചിത്രം നടന് പങ്കുവെച്ചു. ഡോക്ടര്മാരുടെ പേരെടുത്തു പറഞ്ഞ് അദ്ദേഹം നന്ദി പറഞ്ഞു. ആരോഗ്യപ്രവര്ത്തകരെ കൂടാതെ തന്നെ സഹായിച്ച മമ്മൂട്ടി, പിഷാരടി, സാജു കൊടിയന്, കെ എസ് പ്രസാദ് എന്നിവരോടും തനിക്കുളള കടപ്പാട് കണ്ണന് സാഗര് ഫെയ്സ്ബുക്കില് കുറിച്ചു.
കണ്ണന് സാഗര് ചികിത്സയിലിരിക്കെയാണ് അദ്ദേഹം ശ്രദ്ധേയമായ വേഷങ്ങള് കൈകാര്യം ചെയ്ത ആട് 3 യും , വാഴ 2 വും റിലീസ് ചെയ്തത്. വാഴ 2 വില് ബിജുക്കുട്ടന് അവതരിപ്പിച്ച കഥാപാത്രത്തിന്റെ മൂത്തസഹോദരനായാണ് കണ്ണന് സാഗര് എത്തിയത്. കഥാപാത്രം വലിയ തോതില് ചര്ച്ചയായിരുന്നു.
കണ്ണന് സാഗര് ഫെയ്സ്ബുക്കില് പങ്കുവെച്ച കുറിപ്പിന്റെ പൂര്ണ്ണരൂപം
ആലുവ ചുണങ്ങൻവേലിയിലുള്ള ‘രാജഗിരി ഹോസ്പിറ്റലിലെ’ കാർഡിയോളജി തോറാസിസിക് സർജറി ഔട്ട് പേഷ്യന്റ് ഡിപ്പാർട്മെന്റ് ടീമാണ് ജീവിതം നീട്ടിതരാൻ പ്രേയ്ന്നിച്ച ദൈവതുല്യരായ ഡോക്ടേഴ്സും ചില മാലാഖമാരുമാണ് ചിത്രത്തിൽ,
ഇത്രയും വലിയ ഒരു ഓപ്പറേഷൻന്റെ ഞെട്ടലിൽ ഞാൻ ആകെതളർന്നപ്പോൾ ആത്മവിശ്വാസവും ധൈര്യവും നൽകി സർജറി വിജയകരമായി പൂർത്തിയാക്കി ഞാൻ ഡിസ്ചാർജ് ആയി പോകുന്ന ദിവസം എല്ലാവരും അടുത്തെത്തി എനിക്ക് വേണ്ട മുന്നോട്ടുള്ള ചികിത്സാ നിർദ്ദേശങ്ങൾ നൽകി ഇടക്ക് ചെക്കപ്പിനായി എതണമെന്നും അറിയിച്ചു , വേദനയുടെ ആ വലിയലോകത്തു ഞാൻ മുറിവുകളിലെ ഈർഷതനിറഞ്ഞ വലിച്ചിലുകൾക്കിടയിൽ അമരുമ്പോഴും നേരമെന്നോ സമയമെന്നോ നോക്കാതെ ഓടി അരികിലെത്തും തമാശക്കാർക്ക് ഇത്രവേദനയെന്തിനാ ഞങ്ങളൊക്കെയില്ലേ ഇവിടെ എന്നുപറഞ്ഞു ഈ ഡിപ്പാർട്ടുമെന്റിലെ ഓരോരുത്തരും നമുക്കായി അത്രസംരക്ഷണമാണ് നൽകുന്നത്,
ആട് 3യും,വാഴ 2 എന്ന സിനിമയും ഡോക്ടർസ്ഉൾപ്പെടെ മിഖ്യസ്റ്റാഫുകളും കാണുകയും അഭിനന്ദനങ്ങളും തുടരെ നല്ലവേഷങ്ങൾ കിട്ടട്ടെയെന്നു ആശംസിച്ചു എന്റെ വേദനകൾ ഒരു പരിധിവരെ മറന്നതും ഈ അഭിനന്ദനങ്ങളിൽ ആയിരുന്നു, സത്യത്തിൽ ചിത്രം എനിക്ക് ഇപ്പോഴും കാണാൻ കഴിഞ്ഞിട്ടില്ല. ..
Dr.K.K Pradeep
MS(Gen. Surgery), MCh(CVTS)
senior Consultant
Department of CVTS,
Junior : Dr. Akshay naraanan
physician Assistant : Mo, Amjad and Mellisa
Anaesthesia : Dr. Roshy and Dr.Dibin
Redwa piciotherapist: Dr.Merin
Hcwd Nu: Yemiya. K.B
Unit manage : Reijo Deltin
staff Nursels 4FT2,
Raimol jose
jesilin Mathew
sona sanny
jasmin kurian
Rosmi shaju
Divya K.Mathew
soumya Binoy
മറ്റ് സ്റ്റാഫുകൾക്കും, ഇടക്ക് അന്വേഷണം നടത്തി ഓടിവരുകയും രക്തം തന്നു സഹായിക്കാൻ സഹകരിക്കാൻ രക്തദാധാക്കളെ സംഘടിപ്പിക്കുകയും ചെയ്തുകൊണ്ടിരുന്ന സോദരൻ സാജു കൊടിയൻ, ആശുപത്രിയിൽ ചെന്ന നാളുമുതൽ സഹായിക്കാനും കൂടെ ഒരു ചേട്ടനെപോലെ ഓടിനടന്നു സമയമുള്ളപ്പോൾ വേണ്ട നിർദ്ദേശങ്ങളും നൽകിയ ഗുരുതുല്യൻ പ്രിയ K. S. പ്രസാദ് ചേട്ടൻ, സാമ്പത്തിക സഹായങ്ങളിലൂടെയും ഇടതടവില്ലാതെ അസുഖവിവരങ്ങൾ തിരക്കികൊണ്ടിരുന്ന പ്രിയ സഹപ്രവർത്തകർ സുഹൃത്തുക്കൾ,
രാജഗിരി ആശുപത്രിയിലെ മാനേജ് മെന്റിനും CVTS ഡിപ്പാർട്ടുമെന്റിനോടും എന്റെ സാമ്പത്തിക ഭദ്രതയും നിസംഘതയും കേട്ടറിഞ്ഞു സഹായിക്കാൻ മനസുകാട്ടിയ പ്രിയ സോദരൻ രമേഷ് പിഷാരടിക്കും MAA സംഘടനാ പ്രവർത്തകർക്കും അതിലൊക്കെ ഉപരി അങ്ങ്ഓസ്ട്രേലിയ എന്ന രാജ്യത്തിരുന്നു മമ്മൂക്കാ ഫൗണ്ടേഷൻ ചുക്കാൻ പിടിച്ച് സമയാസമയം കൃത്യമായി നിരീക്ഷിച്ചുകൊണ്ടിരിക്കുകയും പേടിക്കണ്ടാ കൂടെയുണ്ട് എന്നു ധൈര്യവും നൽകികൊണ്ടിരുന്ന റോബർട്ട് ജിൻസ് (PRO Mammookka faundetion) അവറുകൾക്കും, എന്റെ ദൈവതുല്യനായ മഹാനടൻ മമ്മൂക്കായിക്കും ഒരായിരം നന്ദി. ...
