ഫാഷന് റാമ്പുകളില് ചുവടു വച്ച് പിന്നീട് ലോകസുന്ദരിപ്പട്ടം നേടി ഇന്ത്യയുടെ അഭിമാനമായി മാറിയ താരമാണ് ഐശ്വര്യറായ് ബച്ചന്. തന്റെ സൗന്ദര്യം കൊണ്ടും അഭിനയമികവു കൊണ്ടും ബോളിവുഡിന്റെ താരറാണിയായി ഐശ്വര്യ തിളങ്ങി. കരിയറില് തിളങ്ങി നില്ക്കുമ്പോഴാണ് താരം ബച്ചന് കുടുംബത്തിലെ മരുമകളായി അഭിഷേക് ബച്ചന്റെ ഭാര്യയായി കുടുംബജീവിതം തെരഞ്ഞെടുത്തത്.
വിവാഹശേഷവും അഭിനയമേഖലയില് താരം നിറഞ്ഞു നിന്നു. എന്നാല് മകള് ആരാധ്യ ജനിച്ചതോടെ ഐശ്വര്യ തീര്ത്തുമൊരു കുടുംബിനിയായി മാത്രം ഒതുങ്ങി. പിന്നീട് ചുരുക്കം സിനിമകളിലും ഫാഷന് റാമ്പുകളിലും മാത്രമാണ് ഐശ്വര്യയെ പ്രേക്ഷകര് കണ്ടത്. ബോളിവുഡിലെ ജനപ്രിയ താരദമ്പതികളാണ് ഐശ്വര്യയും അഭിഷേകും. ഇടയ്ക്ക് ഇവരുടെ ദാമ്പത്യം പ്രശ്നങ്ങളിലാണെന്ന് കേട്ടെങ്കിലും അതിലൊന്നും ചെവി കൊടുക്കാതെ, ചില ചിത്രങ്ങളിലും പൊതുപരിപാടികളിലും ഒരുമിച്ച് പങ്കെടുത്ത് ഇവര് രണ്ടാളും അഭ്യൂഹങ്ങളുടെ വായടപ്പിച്ചു.
ഇപ്പോഴിതാ തങ്ങളുടെ ദാമ്പത്യം 19 വര്ഷം പിന്നിടുന്ന സന്തോഷം പങ്കിടുകയാണ് ഐശ്വര്യറായ് ബച്ചന്. അഭിഷേകിനും ആരാധ്യയ്ക്കുമൊപ്പമുള്ള ചിത്രം പങ്കിട്ടാണ് ഐശ്വര്യ തന്റെ സന്തോഷം പങ്കിട്ടത്. അഭിഷേകിനും ആരാധ്യയ്ക്കുമൊപ്പമുള്ള സെൽഫിയില്, മൂവരും ഒരുമിച്ച് പുഞ്ചിരിക്കുന്നതും ഐശ്വര്യ ഒരു പൂച്ചെണ്ട് പിടിച്ചു നിൽക്കുന്നതും കാണാം. റെഡ് ഹാര്ട്ട് ഇമോജി നല്കിയാണ് ഐശ്വര്യ ഈ ചിത്രം പങ്കിട്ടിരിക്കുന്നത്. ബച്ചൻ കുടുംബത്തെ അടുത്തറിയുന്ന ആരാധകർക്ക്, ഈ പോസ്റ്റ് അർത്ഥവത്തായി മാറി. എന്നും അവരുടെ സ്വകാര്യ ആഘോഷങ്ങൾ വളരെ ലളിതമായി മാത്രമാണ് ഐശ്വര്യയും അഭിഷേകും നടത്താറുള്ളത്. നിരവധി ആരാധകരാണ് താരദമ്പതിമാര്ക്ക് ആശംസകളും സ്നേഹവും കമന്റുകളിലൂടെ കുറിക്കുന്നത്.
2007 ഏപ്രിൽ 20 നാണ് മുംബൈയിലെ ബച്ചന്റെ വസതിയിൽ നടന്ന ഒരു ഉന്നതമായ, അടുപ്പമുള്ളവര് മാത്രം പങ്കെടുത്ത ചടങ്ങില് വച്ച് ഐശ്വര്യയും അഭിഷേകും വിവാഹിതരായത്. അവരുടെ വിവാഹം അക്കാലത്തെ ഏറ്റവും ചർച്ച ചെയ്യപ്പെട്ട സെലിബ്രിറ്റി വിവാഹങ്ങളില് ഒന്നായി അത് മാറുകയും ചെയ്തു. നാല് വർഷങ്ങൾക്ക് ശേഷം, 2011 നവംബർ 16 ന്, അവര്ക്ക് ആരാധ്യ എന്ന മകള് ജനിച്ചു. മകള് ജനിച്ച ശേഷം ആരാധ്യയാണ് ഐശ്വര്യയുടെ ലോകം.
