മലയാള സിനിമയിലെ പ്രമുഖ താരങ്ങൾ ഒന്നിക്കുന്ന ബിഗ് ബജറ്റ് സ്പൈ ത്രില്ലർ ചിത്രമായ പേട്രിയറ്റിന്റെ പ്രൊമോഷന് തിരക്കിലാണ് മോഹന്ലാലും മമ്മൂട്ടിയുമടങ്ങുന്ന താരങ്ങള്. പല വേദികളിലും മമ്മൂട്ടി ഈ സിനിമയെക്കുറിച്ചുള്ള അനുഭവങ്ങളും പുതുതലമുറയിലെ താരങ്ങളെക്കുറിച്ചും സംസാരിക്കുന്നുണ്ട്. പലപ്പോഴും മമ്മൂട്ടി പറയുന്ന കാര്യങ്ങള് കേട്ടിരിക്കുന്ന പലരെയും ഇന്സ്പയര് ചെയ്യാറുണ്ട്.
ഇപ്പോഴിതാ അത്തരത്തില് തിയേററ്റില് ബ്ലോക്ക്ബസ്റ്റര് വിജയം സൃഷ്ടിക്കുന്ന ‘യൂത്ത്’ സിനിമയെക്കുറിച്ചും അതിലെ താരം ഒരു വേദിയില് വച്ച് ഇമോഷണലായതിനെക്കുറിച്ചും മമ്മൂട്ടി പറഞ്ഞ കാര്യങ്ങളാണ് ആരാധകര് ഏറ്റെടുക്കുന്നത്. ‘‘യുത്ത്’ എന്നൊരു സിനിമയുടെ സക്സസ് മീറ്റ് അടുത്തിടെ കണ്ടു. ഒരുപാട് പിള്ളേര് അതില് സംസാരിച്ചു. അതിലൊരാൾ വന്ന് സംസാരിക്കുമ്പോൾ അവൻ സന്തോഷവും സങ്കടവും വരുന്നത് കാണാം. ‘ഞാൻ സിനിമയിൽ നന്നാവൂല്ല എനിക്ക് സിനിമയിൽ അഭിനയിക്കാൻ ചാൻസ് കിട്ടില്ല. എന്റെ അച്ഛൻ നീ എന്തിനാടാ വെറുതെ പോകുന്നെ നിന്നെ കളിയാക്കാനാണ് ഇങ്ങോട്ട് വിളിക്കുന്നത്...’ എന്നൊക്കെ പറയുന്ന ഒരു പയ്യന്, അവസാനം ഇയാൾക്ക് സിനിമയിൽ ചാൻസ് കിട്ടി എന്നൊക്കെ പറഞ്ഞ് ഭയങ്കര ഇമോഷണലായി പോകുന്ന ഒരു മോമെന്റ് ഉണ്ട്. ഞങ്ങൾക്കൊന്നും അങ്ങനെ ഒരു മോമെന്റേ ഉണ്ടായിട്ടില്ല. ഞങ്ങൾ സിനിമയിൽ വന്നതിന് ശേഷം സിനിമയിലുണ്ടെന്ന് അറിയുന്ന കാലത്താണ് സിനിമ കാണാൻ തുടങ്ങിയത്. ആ എക്സൈറ്റ്മെന്റ്, ആ ഭ്രാന്ത്, ആ ആഗ്രഹം, എത്രത്തോളം ആഗ്രഹത്തിലുണ്ടോ അതു ഇപ്പോഴും എനിക്കുണ്ട്...’’ എന്നാണ് മമ്മൂട്ടി പറഞ്ഞത്. മമ്മൂട്ടിയുടെ വാക്കുകള്ക്ക് നിറഞ്ഞ കൈയടിയാണ് സദസ്സ് നല്കുന്നത്. സിനിമയുമായി ബന്ധപ്പെട്ട് നില്ക്കുന്ന എല്ലാ കാര്യങ്ങളെക്കുറിച്ചും താരം ഓരോ എത്രത്തോളം അപ്ഡേറ്റാണെന്ന് ഈ വീഡിയോയിലൂടെ മനസ്സിലാകുമെന്നാണ് പലരും നല്കുന്ന കമന്റുകള്.
